MAZMUR 50:6 - Alkitab Singog In Mongondow Masa In Tanaa

⁶ Ḷangit in mopotaau kon ki Allah in monisig kon umat-Nea, bo Siabí tontaní in hakimnea.

MAZMUR 50:6 ပူးပေါင်းရင်းမြစ်များ

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

MAZMUR 75:7

Sin pohakiman in diábí mamangoi nongkon pomukaan andeka toyopan deemanbí doman nongkon utuan andeka toḷatan.

MAZMUR 89:5

‘Ḷoḻitúan pomomarentaanmu in ḷukadan-Ku modapot in mononoi, modapot in ki adí bo ki ompumu in ḻimitú kon tua.’ ”

MAZMUR 9:16

Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.

MAZMUR 97:6

Ḷangit in mopotaau in kooadil-Nea, bo bayongan in bangusa nokoontong kon kamuliaan-Nea.

YESAYA 33:22

Bayongan in touḷut kon kapaḷ monia diá in mangaḻenea; ḻeagnea mita diá motaau songkaan! Bayongan in kaoyúonan in musung in agowon naton, bo mobayong totok, modapot in intau ḻempeng in mokouḻíbí doman kon tonsilai. Ki Tuhan tontaní in mobaḻí datu naton; Sia in momarenta, moposindog in hukum bo moposaḷamat kon i naton nongkon musung.

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

KORINTUS 2 5:10

Sin notantúbí kon kita in diaanbí kon tayowon pongadilan i Kristus, bo pomuḷoi intau in motarimabí kon inta patus tarimaannea podudui in oaidannea kon wakutu in kon duniapa naa – oaid mopia andeka moraat.

WAHYU 19:2

Sin pohohakim-Nea in moadil bo mobijaksana! Sia ain nopoḷabú in hukuman kon sundaḷ moḷoben, inta nomoguyaat kon dunia naa takin aidnea inta mokotor. Ki Allah ain nohukum kon sundaḷ tatua, sin sia in noḻimod kon intau mita inta nogaid kon oaidan i Allah.”