MAZMUR 50:23 - Alkitab Singog In Mongondow Masa In Tanaa

²³ Intau inta moposumba in sukur mobaḻí kurubannea, siabí tua inta mohoromat kon i-Nakó; bo kon intau inta nosadia kon daḷan in poontong-Kubí in kasaḷamatan nongkon i-Nakó.”

MAZMUR 50:23 ပူးပေါင်းရင်းမြစ်များ

MAZMUR 120:1

Dondong mayá in Baḷoi Tuhan. Kon bonu in susaku akuoi mokuani kon i Tuhan, bo Sia in notubag kon inakó.

MAZMUR 22:23

Aid-Mu in oumanonkubí kon i utatku mita; kon bonu in poyodungkuḷan in umat-Mu akuoi in modayow kon ini-Mu.

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

MAZMUR 27:6

Tanaa akuoi in nountung kon musung inta kon ḻibukumai; dá takin goḷokap takin pia in gina pinosumbaku in kuruban sukur kon Baḷoi-Nea; akuoi in nodondong bo nodayow kon i Tuhan.

MAZMUR 34:5

Akuoi in nosambayang kon i Tuhan, bo sinubagan-Nea, bo nopoḷuat kon inakó nongkon bayongan inta mokoondok.

MAZMUR 85:13

Ki Tuhan in mobogoi kon inta mopia, dá butá naton in mobogoibí in bungainea.

MAZMUR 85:9

Akuoi in moibog mokidongog kon tosingogon i Tuhan Allah; Sia in nopodandi in kobiagan motompia kon inaton, umat-Nea, asaḷ bo kita in diá bui mogaid kon dosa.

MAZMUR 86:12

Akuoi in mopoyaput in sukur kon ini-Mu takin ḻimbatú in gina, o Tuhan Allahku; akuoi in modayow kon kawasa-Mu moḷoben modapot in mononoi.

MAZMUR 86:9

Bayongan in bangusa inta pinomia-Mu in mamangoibí, o Tuhan, sin mosumba kon ini-Mu bo mopoḷantud kon ini-Mu.

MAZMUR 91:16

Sia in pooropon-Kubí in umur moḷanggó, bo posaḷamaton-Ku.”

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YESAYA 49:6

Ki Tuhan in noguman kon inakó, “Oaidan inta moḷobe-ḷoben in mogoḷat mako kon inimu, ei mogogundoi-Ku; iko in diábí tongá mopobui in ki agat in buí i Yakub bo mopoguḻit kon koḷoḷoben in suku mita in Israel, táe baḻíon-Ku doman bayag in bangusa mita, sinbá sinangkub in dunia posaḷamaton.”

LUKAS 2:30

Sin mataku tontaní inta ain nokoontong kon mopoposaḷamat inta nongkon ini-Mu.

YOHANES 7:17

Intau mita inta moibog dumudui kon i Allah, kotaauanneabí mongo nongkon i Allah in totundú-Ku naa andeka nongkon i-Nakó tontaní.

OUMAN IN RASUL MITA 11:14

Sin sia in mopotaau kon inimu in Habar Mopia inta mokosaḷamat kon inimu bo mokosaḷamat doman kon bayongan in ginaḷummu.’

OUMAN IN RASUL MITA 13:26

Utatku mita inta buí i Abraham bo utat mita ibanea inta motoguondok kon i Allah! Habar inta mokosaḷamat aindon pinoyaput kon inaton;

SURAT I PAULUS KON JAMAAT RUM 12:1

Utat mita! Ki Allah totok in mopia kon i naton. Manangka intua akuoi in mopoigum totok sinbá moiko moposumba in awakmu saḷaku sosumba inta nobiag sin kopontingan i Allah. Sosumba tatua in tongábí ogoi kon i Allah bo inta mokosanang kon gina-Nea. Tuabí in ibadamu inta sabanarnea.

SURAT I PAULUS KON JAMAAT RUM 15:6

Sahingga moiko motobatú kon gina bo motobatúdon kon singog bo modayow kon i Allah, ki Amá i Tuhan naton ki Yesus Kristus.

SURAT I PAULUS KON JAMAAT RUM 15:9

Pinomia doman i Yesus in bangusa mita ibanea mopomulia kon i Allah popisí kopopia in gina-Nea kon i monia. Kon bonu in Buk Motusi in pinais nanaa, “Tuamai akuoi in modayow kon ini-Mu kon sigad in bangusa mita, akuoi in mopodondongbí in dodayowku podayow kon tangoi-Mu.”

GALATIA 1:24

Dá mosia totokdon in nodayow kon i Allah sin akuoi in nopirisaya domandon kon tua.

GALATIA 6:16

Kon bayongan intau inta umuranpa nokadai kon atorang tatua bo bayongan doman intau inta dinumudui kon ibog i Allah, umuran igumonku mako sinbá ki Allah in mobogoi in kobiagan motompia bo barakat-Nea.

PILIPI 1:27

Dá tuamai naa in poigumonku, kobiagbí in moiko podudui in onu inta pinoigum kon bonu in Habar Mopia i Kristus, sinbá aka moiangoi in akuoi yo diá bo diá kodongogankudon, kon moiko in umuranbí notobatú kon gina bo raian in moramuji mogaid kon onu inta pinirisaya podudui in Habar Mopia nongkon i Allah.

YAKOBUS 3:13

Aka kon sigad monimu oyúon intau inta mobijaksana bo mopandoi, yo mustibí intua poniatanea kon kobobiag mopia takin mogaid kon soaḷ mita inta mopia, inta sinakinan in gina inta diá mosiḷantud bo kabijaksanaan.

PETRUS 1 1:15

Táe aidaibí in naa, kotusidon in moiko kon bayongan in yagi-yagi inta inaidan monimu, ná ki Allah inta ain nogoiní kon i monimu tua in motusibí totok.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.