MAZMUR 50:22 - Alkitab Singog In Mongondow Masa In Tanaa

²² Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

MAZMUR 50:22 ပူးပေါင်းရင်းမြစ်များ

SAMUEL 2 22:42

Mosia in kinumarak, táe diá in notuḷung, mosia in nokuani kon i Tuhan, táe diá sinubagan-Nea.

AYUB 10:7

Sabanarnea in kinotaauan-Mubí bo nosadar, kon akuoi in diá kotaḷá, táe nobanarbí. Kinotaauan-Mubí kon tobatúmai intau diábí in mokotongod in moposaḷamat kon inakó nongkon kawasa-Mu.

AYUB 8:13

Natuata in intau inta diá kotuhan. Sia in nokoḻiong kon i Allah, dá nobuḻidon in kamang.

MAZMUR 10:4

Intau binaradosa in diábí mopandungmai kon i Tuhan, popisí in kaḷakuangnea dá norai in sia kon diábí in Allah.

MAZMUR 7:2

Oo Tuhan Allahku, akuoi in moniung kon ini-Mu; posaḷamatdon bo poḷuatdon in akuoi nongkon bayongan in intau inta mogaḷo-gaḷow mako kon inakó.

MAZMUR 9:17

Ki Tuhan in nokipogontongdon tontaní popisí in singog inta sinantú-Nea in moadil. Intau moraat noiḷosok kon aidnea tontaní.

MAZMUR 9:18

Popatoibí in imbuit in intau mita moraat, bangusa mita inta diá nopandungmai kon i Allah.

MOHOHUTUBA 7:14

Dá, kosanangdon aka iko bo nokouḻí kon inta sinayakmu. Táe aka iko bo kinoantugan in bodito, yo dika koḻiongan kon ki Allahbí in nobogoi doyowa tatua. Diábí kotaauan naton mongo onu in mobaḻí moiduduimai.

YESAYA 51:13

Umpaka dá kinoḻionganmu in ki Tuhan inta nomaḻí kon inimu inta nosongká kon ḷangit bo inta nopoukat in dodoyonan in butá? Nongonu sin kinoouput in singgai mourot in iko kon torú in monondorot inta nosadiadon momutú? Totuubí kon torú monia tua diábí kumaan kon inimu.

YEREMIA 2:32

Oyúon degá in mongodeaga inta mokoḻiong kon ḷambánea, andeka nonikaan bobay inta mokoḻiong kon ḷambung nonikaannea? Táe moiko in noonggotdon totok in nokoḻiong kon i-Nakó – nongkon tungkuḷpabí inta diádon koiapan in koonggotnea.

YEHEZKIEL 18:28

Nosadardon in sia kon bayongan inta pinomianea bo nogogaidon in nogaid kon dosa. Yo sia tua in diábí matoi táe umuranbí mobiag.

HOSEA 13:8

Akuoi in mondangatbí kon i monimu naonda bo beruang inta kinobuḻian i adínea mita. Yabi-yabion-Kubí in moiko. Naonda bo singa Akuoi in modomok kon i monimu kon tampatmu, bo naonda bo mahaḷuk ḻindong Akuoi in moyabi-yabi kon i monimu.

HOSEA 4:6

Moiko, imang mita, diá mopandungmai kon i-Nakó, dá umat-Ku in diá domandon mopandungmai kon i-Nakó dá nobodito in mosia. Moiko in nondoí kon totundú-Ku mita. Dá, Akuoi in mondoí doman kon i monimu, bo ki adímu mita in diá doman akúon-Ku saḷaku imang-Ku mita.

HOSEA 5:14

Naonda bo singa inta monubu, natuata in pononubú-Ku kon intau in Israel bo Yohuda. Akuoibí tontaní in moyingki-yingkit kon i monia, bodongka taḷaan-Ku. Aka irudon-Ku in mosia mayá, yo diábí tobatúmai in intau in mopoḷuat kon i monia.

AMOS 2:14

Umpaka intau inta totok in moḻikat yo diábí doman mokoḷagui; intau moropot in kobuḻianbí in ropotnea, bo intau motorindog in diábí mokoposaḷamat kon awaknea tontaní.

MIKHA 5:8

Israel in monaḷowbí kon musungnea mita poḷat morimumud kon i monia komintan.

HAGAI 1:5

Tungkuḷaika, taridiai in kaadaanmu!

LUKAS 15:17

Pangabisannea sia in nosadar bo nosingog nanaa, ‘Intau mita inta nogaid kon i papaku mobayong totok in kaanon kon i monia, táe akuoi in kon naa gogióbí bo matoi in gogoy!

ULANGAN 32:18

Mosia in nonoḻikudon kon Mopoposaḷamat monia inta motoyang, noḻiongdon kon i Allah monia inta nobogoi in kobiagan.

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.