MAZMUR 50:20 - Alkitab Singog In Mongondow Masa In Tanaa

²⁰ Iko in umuranbí moponapud in uboḷ kon ginaḷummu, bo moposingo-singogmai kon i utatmu totok.

MAZMUR 50:20 ပူးပေါင်းရင်းမြစ်များ

MAZMUR 31:18

Dikabí pomayá mako in akuoi pokopooyáanmai, o Tuhan, sin akuoi in nokuani kon ini-Mu. Biódon mako intau moraat pokopooyáanmai, bo kibio-biómai moponag kon dunia in intau minatoi.

AMSAL 10:18

Intau inta mobuni kon yaat in gina yo sia in intaubí mouboḷ. Intau inta moponapud magí mako in uboḷ in intaubí dondunguḷ.

IMAMAT 19:16

Dika moponapud magí-mako in uboḷ kon sigad in intau mita inta tobangusamu, sinbá iko in diá mokopopisí kon kopatoian in tumpaḷa intau. Akuoi in ki Tuhan.

MATIUS 10:21

Bo nanaa in mobaḻí: Intau mita moposarakan kon i utatnea sin pokiḻimod. Aid natua in pomiaan doman in guyanga kon i adínea. Bo adí in monayowdon kon i iná bo i amánea, bo posarakannea sin ḻimodon.

MATIUS 5:11

Pia in kamang i moiko, inta popisí in Akuoi, moiko siningkuḻe bo pinogutú takin pinoponapudan inta moraat.

LUKAS 22:65

Bo noyagi-yagipa doman in siningog monia inta poningkuḻe kon i-Nia.

TIMOTIUS 1 3:11

Ná doman tua, ki buḷoi monia bobay in mustibí intau mopia deemanbí intau inta maya-mayá mako mongonguman kon uboḷ. Mosia in mustibí intau inta mokokotahang kon bibig bo motaau doman pirisayaanmai kon bayongan in yagi-yagi.

TITUS 2:3

Tongginaai doman in guyanga mita bobay, sinbá oaid monia in moidudui kon aid in intau mita inta nonotaau kon i Allah. Tundú doman sinbá mosia in diá moibog moponapud in soaḷ mita inta diá totuu kon intau ibanea. Dika doman ogoi monginum kon oinumon inta mokoḷoḷangu. Mosia in musti motaau motundú kon inta mopia,

WAHYU 12:10

Bo akuoi in nokodongog kon singog noḷangon nongkon soroga inta noguman, “Tanaadon in wakutunea ki Allah moposaḷamat kon umat-Nea! Tanaadon in wakutunea ki Allah mopoontong in kawasa-Nea saḷaku Datu! Tanaa in Datu Mopoposaḷamat inta pinodandi tatua mopoontong domandon in kawasa-Nea! Sin ki inta moponapudmai doḷom bo singgai kon i utat naton ain pinoḷuai nongkon soroga.