MAZMUR 50:11 - Alkitab Singog In Mongondow Masa In Tanaa

¹¹ Bayongan in ḷagapan kon buḷud Akuoi doman in kitogi, bo bayongan in mahaḷuk inta nobiag kon rawang kayuon.

MAZMUR 50:11 ပူးပေါင်းရင်းမြစ်များ

AYUB 38:41

Ki ine in motuḷung kon ḷagapan kawag inta gogoyon bo inta ḷumayug magí-mako motayak kon kaanon? Ki ine doman in motuḷung aka ki adínea mita momaḷú kon i-Nakó moigum kon kaanon?

MAZMUR 104:12

Kon diugnea ḷagapan mita momia kon pugadnea; mosia in monontuoḷ kon sigad mita in daun.

MAZMUR 147:9

Sia in nopokaan kon bobiagon, bo kon adí in ḷagapan kawag inta kumarakmai mogoiní.

YESAYA 56:9

Ki Tuhan in nopotabá kon bangusa mita ibanea namangoi naonda bo biag ḻindong sin modomok kon umat-Nea.

MATIUS 6:26

Indoiaidon in ḷagapan mita. Mosia tua in diábí nomuḷa, bo nokoyut, bo diábí doman nosipun kon bungai in pinomuḷa kon bonu in ontag. Táe mosia inogoianbí doman in kaanon i Amámu inta kon soroga! Degá diápa kinotaauan monimu kon moiko in noiḻiubí nongkon ḷagapan mita tatua?

LUKAS 12:24

Tarukiraka in ḷagapan kawag! Mosia diábí nogambor bo diá doman nokoyut bo diá doman in ontag inta pototagúan monia kon kaanon. Táe umuranbí doman iḷukadan i Allah! Bambíkabí bo moiko. Moiko in noiḻiubí totok kon ḷagapan mita tatua!