MAZMUR 50:1 - Alkitab Singog In Mongondow Masa In Tanaa

¹ Mazmur i Asap. Tuhan, Allah Inta Totok in mokawasa, nosingog; Sia in nomaḷú kon sinangkub in butá nongkon pomukaan nodapot kon toyopan.

MAZMUR 50:1 ပူးပေါင်းရင်းမြစ်များ

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

DATU MITA IMITÁNEA 18:21

Bo ki Elia in dinimiug kon rayat tatua bo noguman, “Dapotpa in toonu in moiko umuran motoḻindua in gina? Aka ki Tuhan tua in Allah, yo sumbadon in ki Tuhan! Aka Baal tatua in Allah, yo sumbadon in Baal!” Rayat inta noyosipun kon tua in tongádon kibio-biómai.

TAWARIKH 1 15:17

Nongkon sigad in motoḷuadí mita inta mododondong mosia in nomiḻí kon intau mita noiduduimai naa sin mopogogitog in simbal bitú: Heman adí i Yoël takin ginaḷumnea inta ki Asap adí i Berekhya, bo ki Etan adí i Kusaya nongkon inanakan i Merari. Tumakin kon i monia takin mopogogitog in kecapi inta koḷantudon in nadanea piniḻídon in intau mita in Lewi inta noiduduimai tanaa: ki Zakharia, ki Yaaziel, ki Semiramot, ki Yehiel, ki Uni, ki Eliab, ki Maaseya, bo ki Benaya. Mopogogitog in kecapi inta noompá in nadanea piniḻídon in intau mita in Lewi noiduduimai: ki Matica, ki Elipele, ki Mikneya, ki Azazya, bo doyowa in moḷoḷukad kon Baḷoi Tuhan, inta ki Obed-Edom bo ki Yeiel.

TAWARIKH 1 16:37

Onda intua ki Datu Daud nonantúdon kon i Asap bo intau mita in Lewi ibanea kon umuran monompia kon soaḷ mita inta noyotogot in ibada kon tampat inta pinotagúan kon Poti Dodandian i Tuhan. Muḷoi in singgai mosia in mustibí mopobayá in oaidan monia kon tua,

TAWARIKH 1 25:2

Ki adí ḷoḷaki i Asap taya opat: ki Zakur, ki Yusup, ki Netanya bo ki Asarela. Itoi monia in ki Asap, inta mopotaau in koyow nongkon i Allah, aka pokiaidan i datu.

TAWARIKH 1 25:6

Bayongan in adí i Heman tua in mopogogitog in musik simbal, kecapi bo gambus kon bonu in tongganut i amá monia sin moguyun kon upacara ibada kon Baḷoi Tuhan. Ki Asap, ki Yedutun bo ki Heman in nokouḻí kon oaidan podudui in topotundú i datu.

TAWARIKH 1 6:24

ki Tahat, ki Uriel, ki Uzia, ki Saul.

TAWARIKH 2 29:30

Ki datu bo intau mita inta sinon itoi kon ḻipú nopotabá kon intau mita in Lewi nokipodondong in dodayow kon i Tuhan in dodayow inta pinomia i Daud bo i Nabi Asap. Komintan intau nodondong takin ḷunganga in gina poḷat sinumungkud bo nosumba kon i Allah.

NEHEMIA 9:32

Oo Allah, Allah nami inta moropot! Ki Allah inta moḷoben bo motoyang! Takin satia kinadaian-Mu in bayongan dodandian; dandi-Mu mita inintompodan-Mu bo inaidan-Mu. Pinangkoipa kon datu mita in Asyur nondorot kon inami noidapot in tanaa, nobayong in roriga in kinobayáan nami. Datu mita nami, imang, nabi bo guhanga mita in ḻipú, mogoguyang nami bo rayat, nokorasadon kon roriga mita. Dika koḻiongan in bayongan roriga tatua! Dika inggamáan-Mu kon gina-Mu!

NEHEMIA 9:6

Onda intua rayat in Israel nosambayang nanaa, “Ikobí in Tuhan, Ikobí inta Totobatú tua; Inaidan-Mu in tundi bo toḷungayá, dagat bo butá takin bayongan in tombonunea, bo inogoian-Mu in kobiagan bo iḷukadan-Mu. Kon ini-Mu bayongan in kawasa kon ḷangit tumungkud mosumba; mosia in tumonsiup kon ini-Mu bo tumungkud.

MAZMUR 113:3

Nongkon pomukaan modapot in toyopan tangoi i Tuhan in mustibí dayowon.

MAZMUR 73:1

Mazmur i Asap. Totuubí mopia in ki Allah kon umat-Nea, kon intau inta motuḻid in ginanea.

MAZMUR 74:1

Dondong topotundú i Asap. O Allah, degá modapot in mononoi taḷaan-Mu in kami? Nongonu sin Iko in umuranbí tumorú kon umat-Mu tontaní?

MAZMUR 75:1

Kon i itoi in mododondong. Podudui in dondong: Dika moyopú. Mazmur i Asap. Dondong.

MAZMUR 76:1

Kon i itoi in mododondong. Takin ito-itog kecapi. Mazmur i Asap. Dondong.

MAZMUR 77:1

Kon i itoi in mododondong. Podudui in: Yedutan. Mazmur i Asap.

MAZMUR 78:1

Dondong topotundú i Asap. Indongogaidon in totundúku, ei bangusaku, taridiaidon in tosingogonku mita.

MAZMUR 79:1

Mazmur i Asap. O Allah, bangusa inta diá nonotaau kon ini-Mu ain iḻimitú kon butá budel-Mu. Mosia in noponajisdon in Baḷoi-Mu, Yerusalem in binaḻídon apug,

MAZMUR 80:1

Kon i itoi in mododondong. Podudui in dondong: Bungang bakung. Mazmur kosakusian i Asap.

MAZMUR 81:1

Kon i itoi in mododondong. Podudui in dondong: Gitit. Nongkon i Asap.

MAZMUR 82:1

Mazmur i Asap. Ki Allah in nodia kon sidang ilahi kon soroga, bo Sia in nobogoi kon simpod in singog:

MAZMUR 83:1

Mazmur i Asap: Tobatú dondong.

YESAYA 1:2

Indongogaidon ei ḷangit, tondudutka ei butá! Ki Tuhan in noguman, “Adí mita inta ain biniag-Ku nomarontak kon i-Nakó.

YESAYA 37:20

Oo, ki Tuhan Allah nami, poḷuatdon in kami nongkon intau mita in Asyur tatua sinbá bayongan in bangusa kon dunia naa monotaau kon tongábí Iko in Tuhan.”

YESAYA 54:5

Inta nomaḻí kon inimu in naonda bo ki buḷoimu ḷoḷaki, ki Allah mokudus in Israel in mopoposaḷamatmu. Ki Tuhan Inta Totok in mokawasa, tuata in tangoi-Nea, Sia in Allah inta nongawasa kon sinangkub in dunia.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

YEREMIA 10:6

Ki Tuhan inta momulia, Iko in diábí in popotongkaian, tangoi-Mu in moḷantud bo nopuḻing in kawasa.

AMOS 3:8

Aka singa bo moganggor, yo ki inebí in diá moondok? Aka ki Tuhan Inta totok in moḷantud bo mosingog, yo ki inebí in tongá kibio-biómai bo diá mopotaau-taau mako in koyow-Nea?

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

MATIUS 25:32

Bo bayongan intau in sipunon kon tayowon-Nea bo poyotontaníon-Nea i mosia naonda gombala mopoyotontaní in domba bo bembé.

YOSUA 22:22

“Inta Totok in Mokawasa tuata in ki Tuhan! Inta Totok in Mokawasa tuata in ki Tuhan! Kinotaauan-Neabí kon nongonubí sin kami in nomiabí kon natua, bo ibogon nami sinbá kotaauan doman monimu mongo nongonu sin pinomiabí nami in natua! Aka kuma bo pinomia nami intua sin moḷawang kon i Tuhan andeka kami in diádon mopirisaya kon i-Nia, dá pobiódon mako in kami matoi tanaa doman mako!