MAZMUR 49:16 - Alkitab Singog In Mongondow Masa In Tanaa

¹⁶ Táe ki Allah in mopoḷuatbí kon inakó, Sia in mopoḷuatbí kon inakó nongkon kawasa in popatoi.

MAZMUR 49:16 ပူးပေါင်းရင်းမြစ်များ

KINOBAḺIAN 31:1

Ki Yakub nokodongog kon ki adí mita i Laban nosingog nanaa, “Ki Yakub ain nogamá kon bayongan kapunyaan i amá naton. Bayongan kapunyaannea komintan nongkon kapunyaan i amá naton.”

ESTER 5:11

Bo ki Haman in nongonguman kon ambungangaḷ kon i monia bo nopoontong in kaoyúonannea, kobayong in adínea ḷoḷaki, ḷoḻitúan pomomarentaan inta inogoi i datu, bo pangkatnea inta moḷantu-ḷantud nongkon bayongan in pogawai ibanea.

MAZMUR 37:1

Nongkon i Daud. Dika tumorú popisí in intau moraat, dika mointoi kon intau inta nogaid kon noitaḷá.

MAZMUR 37:7

Oḷatdon mako in ki Tuhan takin gina moodom, ḷukadaidon mako pokosabar modapot in Sia mopoaid. Dika tumorú popisí in intau inta nokouḻí kon kobiagannea, andeka inta nonompobaḻik.

MAZMUR 49:5

Akuoi in monondudutbí kon pribahasa, bo moginsilang kon mangaḻenea sindaḷan mokuti kon kecapi.

AMSAL 28:12

Aka intau mopia in mongawasa, bayongan intau in mosanangbí, aka intau moraat in momarenta, yo rayat in mogadopbí.

HOSEA 13:14

Bangusa tanaa in diábí posaḷamat-Ku nongkon kawasa in dunia in intau minatoi. Ei popatoi, ponimboidon in yampoimu! Aidaidon in oaidanmu inta mokorimumud tua! Akuoi in diá bidon motabi bui kon bangusa tanaa.

WAHYU 21:24

Bangusa mita kon dunia naa in mayábí mongin bayagnea tatua, bo datupa mita in modiabí kon kapunyaan mita monia pobayá in kotá tatua.

WAHYU 21:26

Kaoyúonan bo kahoromatan in bangusa mita in diaanbí kon bonu in kotá tatua.