MAZMUR 47:5 - Alkitab Singog In Mongondow Masa In Tanaa

⁵ Piniḻí-Neadon kon inaton in butá budel naton, inta kinoyunggaga in bangusa inta kinotabi-Nea.

MAZMUR 47:5 ပူးပေါင်းရင်းမြစ်များ

SAMUEL 2 6:15

Natuata in nobaḻí ki Daud bo bayongan in rayat in Israel nomamping kon Poti in Dodandian tatua kon Yerusalem, sinakinan in giow bo singog in torompet.

TAWARIKH 1 15:28

Bayongan umat in Israel minayá dinumudui kon Poti Dodandian noidapot in Yerusalem takin giow pia in gina, singog in torompet, napiri, simbal bo kecapi.

TAWARIKH 1 16:42

Ki Heman bo ki Yedutum in mogirup doman kon torompet, simbal bo pakakat in musik ibanea inta pinogogitog sin monakin kon dondong mita dodayow. Intau mita in inanakan i Yedutun in pinoki ḷukadan in bonawang mita.

MAZMUR 150:3

Dayowdon in Sia in singog in torompet, dayowdon in Sia in gambus bo kecapi!

MAZMUR 68:33

Podondongdon kon i Allah, ei bayongan in dodatuan, podondongdon in dodayow kon i Tuhan,

MAZMUR 78:65

Dá sinimindog in ki Tuhan naonda bo intau bagu nobangon kon pinosiugan, naonda bo intau moropot nopaḷut nonginum kon anggur.

MAZMUR 81:3

Tobogdon in rebana, pododondongdon in dondong, kutidon in gambus bo kecapi kopiaan.

MAZMUR 98:6

Irupdon in torompet bo sangkakala, porogiowdon kon i Tuhan, Datu naton.

YEHEZKIEL 20:6

Kon dodai intua Akuoi in mongibot kon modia kon i monia ḷumuai nongkon Mesir bo mayá in butá inta piniḻí-Ku ogoi kon i monia. Butá tatua in nooyúon bo noḷumbá, butá inta totok in mopia kon sinangkub in dunia.

AMOS 8:7

Ki Tuhan, Allah in bangusa in Israel, ain nongibot, “Akuoi in diábí mokoimontanmai in mokoḻiong kon aid monia inta moraat.

MALEAKHI 2:3

Ki adímu mita in tokohukumon-Ku, bo pogotmu in ḻepoan-Ku in taai in biag inta pinokuruban monimu, bo moiko in pogambat kon bonturungan in taai.

PINOGIAPAN 23:21

Kon i Yakub diábí kinoontongan in moraat; kon Israel diábí doman kinoontongan in mororiga. Ki Tuhan, Allah monia, kotaki-takin monia. Mosia norogiow: Siabí in Datu!

KORINTUS 1 15:52

Soaḷ mita tatua in daḻi-daḻíbí mobaḻí, tongábí tokokiap monag kon wakutu in torompet irupondon kon pangabisan totok. Sin kon dodai in kodongogandon singog in torompet tatua, yo intau mita minatoi in tokobiagondon bui bo popopakéandon in awak inta mononoi, bo kita komintan in toko baḷuian.

TESALONIKA 1 4:16

Bambí itoi in malaekat mobaḷu bo torompet i Allah in irupondon saḷaku toḻibag, bain tua bo mamangoi in ki Tuhan Yesus nongkon soroga. Bo intau mita inta mopirisaya kon i-Nia inta ain minatoi in biagondon muna.

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

YOSUA 6:5

Onda intua imang mita tatua musti mogirup kon torompetnea koonggoton. Naonda in kodongogan monimu in singognea inta moonggot tua, bayongan in tontara musti morogiow koropoton totok, dá dinding in kotá tatua in moumpagdon. Bo moiko komintan in baḷúdon tumuot kon kotá tatua.”

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”