MAZMUR 46:3 - Alkitab Singog In Mongondow Masa In Tanaa

³ Dá diábí moondok in kita, umpakabí modandú in dunia, bo buḷud mita moitaḷom kon apad in dagat;

MAZMUR 46:3 ပူးပေါင်းရင်းမြစ်များ

DATU MITA IMITÁNEA 19:11

“Ḷuaidon kon angob tanion,” guman i Tuhan kon inia, “bo sindogdon tayow kon i-Nakó kon tudu in buḷud.” Bo ki Tuhan sinumaḻib kon tua, inunaan in tompot inta nogirup noropot totok nodapot in buḷud mita nongo botak bo buḷud mita batu in nongoḷosi. Táe ki Tuhan in diábí nokipogontong kon bonu in tompot tatua. Naonda in tompot tatua nooyong, nobaḻídon in ḻinug, táe ki Tuhan in diábí doman nokipogontong kon bonu in ḻinug tatua.

AYUB 38:11

Guman-Ku kon inia, ‘Naa in sigadnea. Dika taḻibanmu! Kon naa in pogogaian in bokoḷmu mita inta moḷoben.’

MAZMUR 18:4

Akuoi in nokuani kon i Tuhan inta patus dayowon, Sia in noposaḷamat kon inakó nongkon musungku mita.

YESAYA 5:3

Dá tanaa yobayatku in noguman, “Moiko komintan, intau inta nogutun kon Yerusalem bo Yohuda, sisigaidon kon sigad in anggur-Ku bo Akuoi.

YESAYA 54:10

Umpaka buḷud mita bo tombuḷud mita modandú, Akuoi in diábí mogogai in monotabi kon inimu. Dodandian dodamean-Ku in umuran-Kubí kadaian,” Guman i Tuhan inta notabi kon inimu.

YEREMIA 4:24

Inontongku in buḷud bo tombuḷud mita inta moḷantud modandú motoyang totok.

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

MIKHA 1:4

Buḷud mita ḷumoḷayat kon paḷad in sioḷ-Nea naonda bo lilin kon bonu in tuḷú inta modokot; butánea in moḻitu moibonu kon oyuknea mita, naonda bo tubig kon tudu in tombuḷud inta moiḻig monag.

NAHUM 1:5

Buḷud mita mourot in kon tayowon-Nea; bo tombuḷudpa in notatomdon komintan. Aka ki Tuhan mamangoi, butá in moḷundan, dunia bo bayongan inta nogutun kon bonunea in mourot.

MATIUS 7:25

Naonda in nonguyan, inuntag in ḷunud bo tompot in baḷoi tatua, táe baḷoi tatua diábí nongonumai sin ain pinoposindog kon tudu in batu.

WAHYU 16:20

Komintan pulau nobuḻi bo komintan buḷud diádon koontongan.

WAHYU 17:15

Malaekat tatua in noguman doman, “Tubig inta inontongmu tatua, tampat inta iḻitúan in sundaḷ tatua, tuata in bangusa mita, rayat mita, negara mita bo bahasa mita.