MAZMUR 46:2 - Alkitab Singog In Mongondow Masa In Tanaa

² Ki Allah in mogogoḻingoi bo pangkoi in ropot naton; Sia in umuranbí taḷaoḷat bo mokotuḷungbí kon bonu in yoyiga.

MAZMUR 46:2 ပူးပေါင်းရင်းမြစ်များ

SAMUEL 2 22:3

Ki Tuhan in naonda bo poḷoḷukadan inta moropot tampat pogogadopanku. Ki Allahku in naonda bo buḷud batu, tampat pononiunganku. Naonda bo kaḻeaw in Sia mogoḻingoi kon inakó, bo moḷukad kon inakó sinbá umuran mosaḷamat.

MAZMUR 142:6

Akuoi in nokuani kon ini-Mu, o Tuhan, Ikobí in pogogadopanku, Tongábí Iko in paraḷuku kon kobiagan tanaa.

MAZMUR 18:7

Kon bonu in roriga nokuani in akuoi kon i Tuhan, akuoi in nomaḷú kon i Allahku mokituḷung. Nongkon Baḷoi-Nea inindongogan-Nea in singogku bo nonondudut kon kuaniku.

MAZMUR 23:4

Umpakabí akuoi mongin ḷopá inta mosindip, diábí in akuoi moondok in anib, sin Iko in nogindua kon inakó. Iko in noḷukad kon inakó naonda bo gombala noḷukad kon dombanea nomaké in tungkud bo popangkuḷ.

MAZMUR 27:3

Umpakabí akuoi kopungon in tontara inta mobarong, yo diábí in akuoi moondok. Umpakabí mobaḻí in parang monayow kon inakó, akuoi in umuranbí mongamang.

MAZMUR 28:7

Ki Tuhan in mogogoḻiung bo mododuḷuku, akuoi in mopirisaya kon i-Nia. Sia in notuḷung bo nopoḷunganga in ginaku, akuoi in nodayow kon i-Nia pinongin dondong sukur.

MAZMUR 37:39

Ki Tuhan in moposaḷamatbí in intau motoḷutui, bo moḷukad kon i monia kon tungkuḷ in mororiga.

MAZMUR 59:17

Táe akuoi in mopodondong in ropot-Mu; pomuḷoi in doḷo-doḷom moḷangon in dondongku mopodondong in tabi bo kososatia-Mu. Sin Ikobí in pososingayowanku, pononiunganku kon dodai in mosusa.

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

MAZMUR 62:9

Ei bangusaku, pongamangdon kon i Allah pomuḷoi mako; potaaudon kon i-Nia onu in kon bonu in ginamu, sin Siabí in tampat naton poniungan.

MAZMUR 82:5

Moiko in diábí nonotaau in onu bo onu, bodok bo noiḷaḻe, popisí in moiko, diá notampuimai in atorang kon intau mobayong.

MAZMUR 91:2

in motaaubí in moguman kon i Tuhan, “Ikobí in mododuḷu bo mogogoḻingoiku, Allahku, Ikobí in pirisayaanku.”

YEREMIA 14:8

Tongábi Iko tontaní in nobaḻí kamang Israel, inta noposaḷamat kon inami nongkon anib. Táe nongonu sin Iko in naondabí bo intau ango-angoi kon butá nami, naonda bo mobobayá inta tongá nongandup togobii bo minayá bui?

NAHUM 1:7

Ki Tuhan tua in mopia, Sia in moḷukad kon umat-Nea kon tungkuḷ in mosia mosusa, Sia in moḷukad kon intau inta mamangoi kon i-Nia.

MATIUS 21:21

Ki Yesus notubag kon i monia, “Poguman-Ku kon i monimu, aka moiko bo totu-totuu mopirisaya bo diá mohawatir, yo moiko in deemanbí tongá motaau mogaid kon ná inta pinomia-Ku kon pangkoi in ara tatua, táe moiko motaaubí doman moguman kon buḷud tanaa, ‘Pobuatdon nongkon tampatmu tanion bo koḷabúdon kon bonu in dagat’; yo mobaḻíbí doman intua.

LUKAS 21:33

Ḷangit bo butá in diábí mononoi, táe singog-Ku in mononoibí.”

IBRANI 13:6

Tuamai mobaranibí in kita moguman, “Ki Tuhan in mototuḷungku, tuamai akuoi in diá moondok. Onubí in motaau aidan in intau kon inakó?”