MAZMUR 45:7 - Alkitab Singog In Mongondow Masa In Tanaa

⁷ Ki Allah in nobogoi in kawasa kon inimu momarenta, kawasa-Mu in modapotbí in mononoi; pinodoyon kon inta moadil iko in momarenta kon rayatmu.

MAZMUR 45:7 ပူးပေါင်းရင်းမြစ်များ

DATU MITA IMITÁNEA 19:16

Aidai doman in natua kon i Yehu ki adí i Nimsi, sinbá mobaḻí in sia datu in Israel, bo kon i Elisa ki adí i Sapat nongkon Abel-Mehola, sinbá sia in mobaḻí nabi monoḻiu kon inimu.

MAZMUR 101:8

Pomuḷoi in singgai yopúonku in intau mita moraat kon butá tanaa. Komintan intau inta mogaid kon moraat in inggamáankubí kon kotá i Tuhan.

MAZMUR 11:7

Sin ki Tuhan in mopia bo moadil, Sia in motabi kon intau inta nogaid kon inta mopia; intau motuḻid in mokoontongbí bo monotaau kon i Tuhan.

MAZMUR 2:2

Datu mita in dunia simindog moyododai bo inta mongogawasa mita moyopakat moḷawang kon i Tuhan bo datu inta piniḻí-Nea.

MAZMUR 21:6

Popisí in totuḷung-Mu dá nobaḻí in sia totok in ihoromat, binaḻí-Mu in sia ponango-nangoian bo motarimbuka mako.

MAZMUR 33:5

Sia in motabi totok kon kojojujur bo kooadil; sinangkub in butá nopuḻingbí in tabi-Nea.

MAZMUR 89:20

Dungkuḷmai kon bonu in oontongon tobatú, Iko in noguman kon mogogundoi-Mu inta motoḷutui, “Akuoi ain notuḷung kon pahlawan tobatú, intau tobatú inta piniḻí-Ku nongkon rayat inta ain pinoḷantud-Ku.

MAZMUR 89:26

Dodatuannea in pooḷadon-Kubí, nongkon Dagat Toyuak nodapot kon Ongkag in Eprat.

MAZMUR 99:4

Kawasa in kon ini-Mu, datu inta motabi kon hukum; Iko in noposindogdon in inta mobanar; Iko in nopobayá in hukum bo kooadil kon Israel.

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

IMAMAT 8:12

Nopaḷut mako kon tua ki Musa nomaḻídon imang kon i Harun takin nopobutak in ḷana upacara topiḻik kon uḷu i Harun.

MATIUS 3:15

Táe ki Yesus in notubag: “Pomayádon mako, diábí nongonu, sin natuabí in kita aka mogintompod kon bayongan inta kinoibog i Allah.” Dá binaptis domandon i Yohanes in Sia.

MATIUS 7:23

Kon dodai intua, Akuoi in moguman taran-tarangan kon i monia, ‘Diábí kinotaauan-Ku in moiko! Bayádon pokoyayú kon i-Nakó, sin moiko komintan in intau inta nogaid kon inta moraat!’ ”

LUKAS 13:27

Bo Sia in bui motubag kon i monimu, ‘Diábí kinotaauan-Ku mongo nongkon onda in moiko. Bayádon nongkon naa, moiko intau mita inta nogaid kon mongoraat!’

LUKAS 3:22

bo Roho i Allah noponag kon i-Nia naonda bo ḷagapan paḷoma. Bo kinodongogandon in singog nongkon ḷangit noguman nanaa, “Iko in ki Adí-Ku inta kinotabi-Ku. Iko in kinoibog-Ku.”

YOHANES 1:16

Moḷoben totok in tabi-Nea; diá in gogainea Sia in momarakat kon i naton.

YOHANES 20:17

“Dikapa kadaian in Akuoi,” guman i Yesus kon inia, “sin Akuoi in diápa namonik kon i Amá. Táe bayádon kon i utat-Ku mita, bo potaaudon kon i monia kon tanaa Akuoi in mayá kon i Amá-Ku bo kon i Amá doman monimu, kon i Allah-Ku bo kon i Allah-mu.”

YOHANES 3:34

Sin ki ine in pinotabá i Allah, dá siabí tua in mopoyaput in pirman i Allah, sin sia in kinawasa bidon in Roho i Allah.

OUMAN IN RASUL MITA 2:28

Iko in ain nopotaau in daḷan mopobayá in kobiagan mononoi kon inakó. Moḷunganga totok in ginaku sin Iko in umuran kotaki-takinku.’

SURAT I PAULUS KON JAMAAT RUM 8:29

Mosia inta ain piniḻí i Allah, aindon sinantú-Nea nongkon pinomangkoianmai sinbá mobaḻí motombatangan i Adí-Nea ki Yesus Kristus. Sahingga in Adí tatua mobaḻí Adí guya-guyang kon sigad in bayongan utat.

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

IBRANI 1:9

Inta moadil in koibog-Mu bo inta motombogá in kodoí-Mu; Manangka intua ki Allah, Allah-Mu in nomiḻí kon ini-Mu; bo nobogoi in kahoromatan inta mokopoangoi kon ḷunganga in gina inta moiḻiu kon yobayat-Mu mita.”

IBRANI 2:14

Lantaran intau mita inta sinangoi-Nea adí tua, tongábí intau ilo-ilow inta mato-matoipabí, dá ki Yesus sinumongkaidon kon i monia bo nobiag naonda bo kaadaan intau. Tua pinomia-Nea, sinbá kinopatoian-Nea tua mokorimumud kon Ibilis inta nongawasa kon popatoi.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

WAHYU 21:27

Táe intau mita inta nogaid kon soaḷ mita inta mokorongó, ande intau mita inta mongouboḷ, yo singogon mako mopoḷok, mosia inta nogaid kon mokotor, diábí moituot kon tua. Inta motaau tumuot in tongábí intau inta tangoinea in pinais kon bonu in Buk Intau Nobiag, buk i Adí in Domba tatua.

SAMUEL 1 16:13

Baḷúdon in ki Samuel nogamá kon ḷana zaitun tatua bo noduí kon i Daud takin upacara pinopoinggúan in ḷana kon tayowon i guya-guyangnea mita. Kon dodai doman intua ki Daud kinawasaan in Roho i Tuhan. Nongkon singgai tua nodapot in singgai noiduduimai mita Roho i Tuhan koyota-yotakinnea. Onda intua nobuidon in ki Samuel kon Rama.