MAZMUR 45:13 - Alkitab Singog In Mongondow Masa In Tanaa

¹³ Intau in Tirus in nodia kon sosumba kon inimu; intau nooyúon moḷongasi mogamá kon ginamu.

MAZMUR 45:13 ပူးပေါင်းရင်းမြစ်များ

DATU MITA IMITÁNEA 5:15

Ki Salomo in nopotabá domandon in 80.000 in intau sin mongurig kon batu nongkon buḷud bo 70.000 in intau mogakut kon batu mita tatua.

DONDONG MOḶANTUD 7:1

O, mongodeaga inta motaingkat, mopia totok in sioḷmu momaké in silop tatua. Pongongawakmu naonda bo ḷambá, pinomia in intau mongongurig.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

MATIUS 5:16

Natua doman bayagmu musti monindar kon tayowon in intau, sinbá ontongon monia in oaidmu mita inta mopia bo modayow kon i Amámu inta kon soroga.”

LUKAS 11:40

Nongo bodok in moiko! Diábí degá kotaauan monimu kon ki Allah inta nogaid kon dotá in ḷuainea, Siabí doman tuata inta nogaid kon dotá in bonunea?

SURAT I PAULUS KON JAMAAT RUM 13:14

Pomayádon mako bá ki Tuhan Yesus Kristus in monantú kon onu in musti aidan monimu. Bo dika dumudui kon ibog in awak inta baradosa naa sin mopoorop in onu inta koibognea.

SURAT I PAULUS KON JAMAAT RUM 2:29

Sin nanaabí, intau inta totokanea in Yahudi in intaubí inta ginanea totu-totuubí jiwa intau Yahudi. Ná doman tua, sunat inta totokanea in sunatbí kon gina inta pinomia in Roho i Allah, deemanbí inta pinais kon bonu in buk. Bo intau natua in dayowon i Allah, deemanbí dayowon in intau.

SURAT I PAULUS KON JAMAAT RUM 3:22

kon ki Allah in noibogbí noyopia bui takin intau, táe tua in nointotoibí kon pirisaya kon i Yesus Kristus. Tua inaidan i Allah kon bayongan intau inta mopirisaya kon i Kristus, sin Sia in diábí mopoyoposi kon intan:

KORINTUS 2 5:17

Intau inta notobatúdon i Kristus in totu-totuu bidon sinoimbagu. Inta ain nokoyongan in diá bidon, komintan bidon sinoimbagu.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

WAHYU 3:18

Tuamai naa in tonggina-Ku kon i monimu, potaḷui kon buḷawan kon i-Nakó, buḷawan taakan sinbá mobaḻídon mooyúon in moiko. Bo potaḷui doman kon ḷambung mobudó kon i-Nakó, sinbá mogiḷambungdon in moiko bo awak monimu inta nopilang bo mokooyá in kooḻingoiandon. Bo potaḷui domandon kon undam poḻepo kon mata sinbá mokoontongdon in moiko.

SAMUEL 1 16:7

Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”