MAZMUR 43:1 - Alkitab Singog In Mongondow Masa In Tanaa

¹ Ogoidon kon inakó in inta moadil, o Allah, duḷuaidon in hakku nongkon bangusa inta moraat. Poḷuatdon kaasí in akuoi nongkon intau moraat bo motombuḻitok.

MAZMUR 43:1 ပူးပေါင်းရင်းမြစ်များ

SAMUEL 2 15:31

Naonda in pinotaaudon kon i Daud kon ki Ahitopel in sinumakin doman kon komplotan i Absalom, nosambayangdon in ki Daud nanaa, “Oo, Tuhan, poigumon mako poyayúon-Mudon in tonggina i Ahitopel!”

SAMUEL 2 16:20

Onda intua noguman in ki Absalom kon i Ahitopel, “Pogumandon mongo onu in pomiaan naton.”

SAMUEL 2 18:8

Pinoparangan tatua noibaya-bayádon mako kon bayongan in butá tatua, bo mobayo-bayong kon minatoi in intau sin noiḷaḻe kon kayuon noiḻiu kon inta minatoi kon pinoparangan.

MAZMUR 140:5

O Tuhan, ḷukadaidon in akuoi nongkon kawasa in intau moraat, ḷukadaidon in akuoi nongkon intau inta moḻingá inta moniat mopoḷabú kon inakó.

MAZMUR 26:1

Mazmur i Daud. Ogoiaipa in inta moadil in akuoi, o Tuhan, sin akuoi in nobiag takin notuḻid in gina. Akuoi in nongamang kon i Tuhan, bo diábí in ḻia-ḻiaw in gina tongopiḻikmai.

MAZMUR 35:1

Mazmur i Daud. Tuhan, tayowaidon in intau inta monayow kon inakó, parangdon in intau inta momarang kon inakó.

MAZMUR 35:24

Duḷuaidon in akuoi, sin Iko in moadil, o Tuhan Allahku, dikabí pomayá mako in musungku monggiow kon inakó.

MAZMUR 5:6

Doíbí in Iko in moindoi kon intau inta mokaḷakuang, kinodoí-Mubí in intau inta momia kon inta moraat.

MAZMUR 54:3

O Allah, posaḷamatdon in akuoi pongin kawasa-Mu, ogoiaidon in inta moadil kon inakó podoyon kon ropot-Mu.

MAZMUR 7:7

Sindogdon kon bonu in torú-Mu, o Tuhan, tubagaidon in torú in musungku mita. Sindogdon bo tuḷungai in akuoi, sin iko in motayak kon inta moadil.

MAZMUR 7:8

Sipundon in bangusa mita kon diug-Mumai, bo kawasaaidon in mosia nongkon tampat pomomarentaan-Mu kon soroga.

MAZMUR 7:9

Iko in mohakim kon umat intau; pobayádon in inta moadil, o Tuhan, sin diábí kotaḷá in akuoi.

MAZMUR 71:4

O Allah, pomiḷaguidon in akuoi nongkon intau moraat, nongkon kawasa in intau mita moromú bo moḻingá.

MAZMUR 75:7

Sin pohakiman in diábí mamangoi nongkon pomukaan andeka toyopan deemanbí doman nongkon utuan andeka toḷatan.

AMSAL 22:23

Sin, ki Tuhan in moduḷubí kon pelekara monia bo morabut kon nyawa in intau inta mondorot kon i monia.

AMSAL 23:11

Sin, ki Tuhan in mototuḷung inta moropot Siabí in motuḷung kon i monia moḷawang kon inimu.

MIKHA 7:9

Kita in binaradosadon kon i Tuhan, tuamai in tanaa kita in mustibí motarima kon torú-Nea. Táe diá bidon moonggot Sia in moduḷu kon i naton bo mobogoi kon onu inta moadil kon i naton. Sia in modiabí kon i naton ḷumuai mamangoi in mobayag; korasaanbí naton tontaní kon Sia in moposaḷamat kon i naton.

KORINTUS 1 4:4

Iraikumai, diábí kon dodai in onda akuoi in nogaid kon inta diá mopia, tongá tua in deemanbí bukti kon diá kotaḷá in akuoi. Sin tongábí ki Tuhan in motaau monantú kotaḷá andeka diá.

PETRUS 1 2:23

Wakutu in Sia sinibáan, Sia in diábí nonuḻí nonibá. Wakutu in Sia iroriga, diábí in Sia nodandi motuḻí; tua komintan in tongábí pinosarakan-Nea kon i Allah, Hakim inta totok i moadil tua.

SAMUEL 1 24:15

Taridiaidon in akuoi naa inta ḻimodon i datu in Israel! Indoiaidon in akuoi naa inta aḷo-aḷowannea mako! Akuoi inta tongábí ná ungkú tobatú inta minatoi, tongábí ná kutu tobatú.