MAZMUR 42:9 - Alkitab Singog In Mongondow Masa In Tanaa

⁹ Igumon mako ki Tuhan mopoontong in tabi-Nea kon tungkuḷ in singgai, sinbá kon tungkuḷ in doḷom mokopodondongdon in akuoi, bo mosambayang kon i Allah pangkoi in kobiaganku.

MAZMUR 42:9 ပူးပေါင်းရင်းမြစ်များ

MAZMUR 13:1

Kon i itoi in mododondong. Mazmur i Daud.

MAZMUR 18:2

Akuoi in motabi kon ini-Mu, o Tuhan, Ikobí in nobaḻí ropotku.

MAZMUR 28:1

Mazmur i Daud. O Tuhan, kon ini-Mubí in pokuanianku, Iko in mododuḷuku, indongogaipa in kuaniku. Aka Iko bo tongá kibio-biómai kon inakó, yo akuoi in naonda bo intau inta moponag kon bubú in poḷobongan.

MAZMUR 38:6

Kekebku mita in nonombobogdon bo nobongkogdon, popisí in sinumon bodokdon in akuoi.

MAZMUR 43:2

Ikobí in ki Allah moḷoḷukadku; nongonu sin taḷaan-Mubí in akuoi? Nongonu sin akuoi in umuranbí mobaba kon roriga popisí in doroton in musungku mita?

MAZMUR 55:3

Taridiaipa in akuoi bo tubagaipa in akuoi, morumbun in ginaku popisí in kasusahanku.

MAZMUR 62:2

Noodombí mako in dimukudku mogoḷat mako kon i Allah, tongábí nongkon i-Nia in kasaḷamatanku.

MAZMUR 77:9

Degá nogogaidon in Sia motabi kon inami? Degá diádon intompodan-Nea in dandi-Nea bui?

MAZMUR 78:35

Mosia in nokotorop kon ki Allah in moḷoḷukad monia, bo ki Inta Totok in moḷantud in mopoposaḷamat monia.

MAZMUR 88:9

Pinoyayú-Mu kon inakó in intau mita inta nogogintaauanku, bo binaḻí-Mu in akuoi mokobú kon i monia. Akuoi kinokurungan bo diá mokoḷuai,

MAZMUR 92:3

Mopotaa-taau mako in tabi-Mu kon dodai in doḷo-doḷom, bo kososatia-Mu kon dodai in doḷom,

MOHOHUTUBA 4:1

Onda intua sinaridianku bui in bayongan aid diá moadil inta nobaḻí kon dunia naa. Intau mita inta iroriga nongombaḷ bo diá in moibog motuḷung, popisí in intau mita inta mopororiga tua in kokawasa moḷoben.

YESAYA 40:27

Dá Israel, nongonu sin iko in mogamuibí, naonda bo ki Tuhan Allahmu in diá nonotaau kon rorigamu? Naonda bo diá indoian-Neamai in kobiaganmu, bo diá noindoimai kon hakmu?

YESAYA 49:15

Ki Tuhan in notubag, kai-Nia, “Degá iná tobatú mokoḻiong kon i adínea, bo diá motabi kon i adínea inoyod? Umpaka in sia mokoḻiong, Akuoi in diábí mokoḻiong kon inimu!