MAZMUR 42:6 - Alkitab Singog In Mongondow Masa In Tanaa

⁶ Nongonu sin ginaku in moajarbí bo moḻia-ḻiaw? Akuoi in mongamang mako kon i Allah. Dá akuoi in buibí mopoyaput in sukur kon i-Nia, kon i Allahku bo mopoposaḷamatku.

MAZMUR 42:6 ပူးပေါင်းရင်းမြစ်များ

SAMUEL 2 17:22

Bo iḷumoḷandon in ki Daud takin intaunea mita kon Ongkag in Yordan, bo nodapotdon kon ḷoḷan kon dodai in nobayagdon.

SAMUEL 2 17:27

Naonda in ki Daud noidapot kon Mahanaim, sinontomu in sia i Sobi adí i Nahas nongkon kotá in Raba kon Amon, bo i Makhir adí i Amiel nongkon Lodebar, bo i Barzilai nongkon Rogelim kon Gilead.

MAZMUR 133:3

Andeka naonda bo oḷú kon Buḷud in Hermon, inta noiḻig monag kon tombuḷud mita in Sion. Kon tuata in popoangoian i Tuhan in barakat-Nea, kobiagan modapot in mononoi.

MAZMUR 22:1

Kon i itoi in mododondong. Podudui in dondong: Rusa kon dodai in modiug mobayag. Mazmur i Daud.

MAZMUR 43:4

Dá akuoi in mopobayádon in mezbah i Allah, kon tayowon i Allah pangkoi in kopiaanku. Akuoi in modondongbí bo mopogogitog in kecapi, sin modayow kon ini-Mu, o Allah, Allahku.

MAZMUR 43:5

Nongonu sin moajarbí bo moḻia-ḻiaw in ginaku? Akuoi in mongamang kon i Allah, dá akuoi in buipabí mopoyaput in sukur kon i-Nia, kon i Allahku bo mopoposaḷamatku.

MAZMUR 61:2

Indongogaipa kaasí in kuaniku, o Allah, taridiaipa in sambayangku.

MATIUS 26:39

Bo inumuna topiḻik in Sia bodongka sinumungkud nosambayang, kai-Nia, “O Amá-Ku, aka motaau, yo Inggamáaidon in roriga tanion nongkon i Nakó, tongá dikabí dumudui kon ibog-Ku táe aidaidon ná inta kinoibog i Amá.”

MATIUS 27:46

Degá jam nogintoḷudon ki Yesus in nomaḷú noropot, kai-Nia, “Eli, Eli, lama Sabaktani?” mangaḻenea, “Allah-Ku, Allah-Ku nongonu sin sinaḷáan-Mubí in Akuoi?”