MAZMUR 40:12 - Alkitab Singog In Mongondow Masa In Tanaa

¹² Tuhan, dikabí mogogai in monotabi kon inakó; umurandon ḷukadai in akuoi in tabi bo kososatia-Mu.

MAZMUR 40:12 ပူးပေါင်းရင်းမြစ်များ

KINOBAḺIAN 42:28

“Doitku pinobuibí,” gumannea kon i utatnea mita. “Indoiai, nouḻíku kon bonu in karongku!” Gina monia nobaḻí nokawai, bo takin ondok mosia in nosiḻibóan, “Onu in pinomia i Allah kon inaton?”

MAZMUR 116:3

Akuoi in inindoyó in anib in popatoi; popatoi inta mokoondok ain nodomok kon inakó, dá akuoi in inangoian in ḻia-ḻiaw in gina bo moondok.

MAZMUR 19:12

Mogogundoi-Mu naa in bagupa inogoian in tompoingat in bayongan tatua; bungai in pinogaidan sinadia kon intau inta notoindudui kon tua.

MAZMUR 38:4

Motakit mobogat in akuoi popisí in torú-Mu; diádon in mosehat in kon awakku popisí in dosaku.

MAZMUR 61:8

Igumon mako momarenta in sia modapot in mononoi saḷaku datu inta piniḻí-Mu, o Allah, Oḻiungaidon in sia in tabi bo kososatia-Mu.

MAZMUR 69:4

Akuoi in kopia mokuani nodapot in noḷopídon totok bo noingkagdon in sigogowku. Mataku in mopomporí in mogoḷat mako kon totuḷung i Allahku.

MAZMUR 73:26

Umpaka dimukud bo awakku in moḻemédon, Ikobí in ropotku, o Allah; Ikobí in kapunyaanku modapot in mononoi.

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

LUKAS 21:26

Intau mita in moondok totok in moyogintayow in onu inta mobaḻí kon dunia naa, bo bayongan kawasa kon baḷangon motombauk.

IBRANI 4:15

Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!

PETRUS 1 3:18

Sin ki Kristus tontaní in tongábí doman komintan minatoi popisí in dosa mita intau. Tobatú intau inta diá kotaḷá; minatoi popisí in intau inta kotaḷá. Ki Kristus in nogaid kon tua sinbá kita in motaau-Nea diaan mayá kon i Allah. Sia in iḻimod kon kaadaan saḷaku intau, táe biniag bui kon bonu in Roho.