MAZMUR 38:20 - Alkitab Singog In Mongondow Masa In Tanaa

²⁰ Intau mita inta nosaturu kon inakó in nobayong bo moropot, mosia in doí kon kobobiagku.

MAZMUR 38:20 ပူးပေါင်းရင်းမြစ်များ

MAZMUR 142:7

Indongogaipa kaasí in kuaniku, sin totok in mororiga in akuoi. Posaḷamatpa kaasí in akuoi nongkon musungku mita, sin mosia in moropo-ropot in akuoi.

MAZMUR 25:19

Indoiaika totuu mobarong in musungku; mosia in totokbí in mondoí kon inakó.

MAZMUR 35:12

Aidku inta mopia sinuḻían monia in aid moraat; akuoi in noḷomot kon dodai in kinobuḻian in kamang.

MAZMUR 35:19

Dikabí pomayá mako in akuoi in poyambáan in intau inta nondoí kon inakó takin diá in popisínea. Dika pomayá mako in akuoi in giowan in intau inta nondoí kon inakó takin diá in kinodoyonan.

MAZMUR 7:4

O Tuhan Allahku, aka kuma bo akuoi nonombogá, nogaid kon inta moraat kon yobayat, andeka nokoporugimai kon musung takin diá in kinodoyonannea, aka kuma bo inaidanku in natua,

YEREMIA 18:20

Patus degá in mopia tuḻían in inta moraat? Táe mosia in nongaḻidon kon bubú sinbá moḷabú in akuoi kon bonunea. Toropdon kon akuoi noduḷudon kon i monia kon tayowon-Mu, sinbá diá in Iko tumorú kon i monia.

MATIUS 5:10

Pia in kamang in intau inta pinogutú lantaran mogaid kon inta kinoibog i Allah; sin mosia doman tua inta moyotakin i Allah!

YOHANES 10:32

Táe ki Yesus in noguman kon i monia, “Moiko ain nokoontong kon i-Nakó nogaid kon nobayong in oaidan inta mopia, inta pinoki aid i Amá kon i-Nakó. Nongkon oaidan mita tatua, onda in baḻíon monimu dodoyonan poganduran kon i-Nakó?”

PETRUS 1 3:13

Ki inebí i moibog mopoaid in moraat kon inimu, aka mosanangbí in gina monimu mogaid kon inta mopia?

YOHANES 1 3:12

Donaaibí in kita ná ki Kain, inta nobaḻí ki adí in Ibilis bo noḻimodon kon i utatnea tontaní. Nongonu sin ki Kain in noḻimodbí kon i utatnea? Popisíbí in soaḷ mita inta pinomianea in nongoitaḷá, táe soaḷ mita inta pinomia i ai-ainea in noitutui.

SAMUEL 1 23:5

Dá minayádon in ki Daud takin intaunea kon Kehila bo sinubunea poḷat iḻimodnea in nobayong intau in Pilistin, bo inagownea in bobiagon monia. Natuata in pinoḷoḷuat in Daud kon intau kon kotá tatua.

SAMUEL 1 25:16

Doḷom singgai mosia in noḷukad kon inami kon dodai in kami moḷukad kon bembé domba kon diug monia.

SAMUEL 1 25:21

Kon dodai intua ki Daud norai, “Diábí in mangaḻenea in akuoi noḷukad kon kapunyaan in intau tatua kon padang gurun! Diábí topiḻikmai in nobuḻi nongkon kapunyaannea; bo tanaa in sinuḻíannea in aidku mopia tatua takin aidnea moraat!