MAZMUR 38:12 - Alkitab Singog In Mongondow Masa In Tanaa

¹² Yobayatku mita yumayú popisí in panyakiku, nodapot in ginaḷum bo utatku yumayú kon inakó.

MAZMUR 38:12 ပူးပေါင်းရင်းမြစ်များ

AYUB 19:13

Ginaḷum bo utatku pinoyayú-Nea kon inakó; akuoi in naonda bo intau ango-angoi kon bayongan in intau inta nogogintaauanku.

MAZMUR 119:110

Intau moraat in motaan kon poyogaḷap kon inakó, táe akuoi in diábí sinumabat kon atorang-Mu.

MAZMUR 140:5

O Tuhan, ḷukadaidon in akuoi nongkon kawasa in intau moraat, ḷukadaidon in akuoi nongkon intau inta moḻingá inta moniat mopoḷabú kon inakó.

MAZMUR 141:9

Ḷukadaidon in akuoi nongkon potait inta sinaan kon inakó, nongkon poyogaḷap in intau mita moraat tatua.

MAZMUR 31:12

Akuoi in tososingkuḻe in bayongan in musungku, nodapot in kon topodiugkumai. Bayongan in intau inta nogogintaauanku moitaḻikokog aka mokoontong kon inakó, moḷagui in mosia aka moyodungkuḷku kon daḷan.

MAZMUR 35:20

Moaḷus in pososingog monia; mosia in monomayábí kon monombuḻitok kon intau inta nobiag nopopiaan.

MAZMUR 35:4

Biódon mako in intau inta moibog moḻimod kon inakó taḷowon bo pokopooyáanmai. Biódon mako in intau inta noyopakat monayow kon inakó umundok takin motoboḻingo.

MAZMUR 41:5

Gumanku, “Akuoi in binaradosadon kon ini-Mu, o Tuhan, kotabipa kaasí in akuoi bo undamaipa in akuoi.”

MAZMUR 54:3

O Allah, posaḷamatdon in akuoi pongin kawasa-Mu, ogoiaidon in inta moadil kon inakó podoyon kon ropot-Mu.

MAZMUR 69:9

Akuoi in nádon onda bo intau ango-angoi kon sigad in ginaḷumku, naonda bo intau ibanea kon i guya-guyang bo kon i ai-aiku.

MAZMUR 88:9

Pinoyayú-Mu kon inakó in intau mita inta nogogintaauanku, bo binaḻí-Mu in akuoi mokobú kon i monia. Akuoi kinokurungan bo diá mokoḷuai,

AMSAL 19:7

Intau bogá poompáanbímai i utatnea, apadoman yobayatnea. Naondaka in pororamujinea, sia in diábí mokogamá kon gina monia.