MAZMUR 38:11 - Alkitab Singog In Mongondow Masa In Tanaa

¹¹ Putúku in modoḷodok, ropotku in nodait, mataku in noyambotdon.

MAZMUR 38:11 ပူးပေါင်းရင်းမြစ်များ

MAZMUR 22:16

Sigoḷokku noingkag naonda bo rumog in posilag, diláku notorondódon. Tuhan, sinaḷáan-Mu in akuoi kon tudu in ḷobud nádon onda bo intau inta ain minatoi.

MAZMUR 31:11

Kobiaganku modait kon bonu in roriga, taongku mita moitaḻib kon bonu in amui mita. Ropotku in mogaat popisí in aidku moraat, nodapot in tuḷanku mita moripú.

MAZMUR 88:18

Kinoouput in singgai torú-Mu naonda bo ḷunud noiḻibu kon inakó, noḻipung kon inakó nongkon bayongan tampat.

YESAYA 53:4

Bokaka takitbí naton in inta binabanea, rorigabí naton in pinotaannea, bokaka kai naton in roriganea tatua in hukumanbí i Allah kon inia.

YESAYA 53:8

Sia in dinomok bo pinotayow kon pongadilan, bodongka dinia ihukum minatoi. Diábí in noindoimai kon ukurnea; sia in minatoi popisí in dosa in bangusa naton.

MATIUS 26:56

Táe totuu kon tua in mustibí mobaḻí sinbá motompodon onu inta aindon pinais kon bonu in buk nabi mita.” Kon tua dumodudui-Nea noḷagui komintan nonaḷámai kon i-Nia.

LUKAS 22:54

Ki Yesus in dinomok monia bo dinia pinobayá in baḷoi i imang moḷoben. Ki Petrus in dumuduianmai kon i monia, táe nongkon moyayú.

LUKAS 23:49

Bo bayongan intau inta nogogintaauan mita i Yesus, noitakin doman in bobay mita inta dinumudui kon i-Nia nongkon Galilea, sinimindog nongkon moyayú bo noindoi kon bayongan inta ain nobaḻí.

YOHANES 16:32

Pokotorop! Moiangoibí in wakutunea, sedang bo noiangoi bidon, moiko in poyayiton. Moiko in mobuidon kon baḷoinea-baḷoinea bo taḷaandon monimu in Akuoi. Táe Akuoi in diábí tongá Aku-Akuoi mita, sin ki Amá in kotaki-takin-Kubí.