MAZMUR 37:9 - Alkitab Singog In Mongondow Masa In Tanaa

⁹ Sin intau inta mogaid kon moraat in inggamáanbí, táe inta nongamang mako kon i Tuhan in motarimabí kon butá tatua.

MAZMUR 37:9 ပူးပေါင်းရင်းမြစ်များ

MAZMUR 25:13

Mosia in umuranbí mobiag mooyúon, adí bo ompu monia in mogabatbí kon butá budel.

MAZMUR 37:29

Intau motoḷutui in motarimabí kon butá tatua, bo mogutun kon tua modapot in mononoi.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

AMSAL 2:21

Sin, intau inta mobiag podudui in ibog i Allah, tuata in intau inta motuḻid in ginanea, mosia tua inta mogutun kon butá inta pinodandi i Tuhan.

YESAYA 57:13

Aka moiko momaḷú, yo biódon mako in patong mita tatua in moposaḷamat kon i monimu! Mosia in mobuḻibí poḷayugon in tompot bo moinggamá tongá tokokiap monag! Táe intau inta moniung kon i-Nakó in mogabatbí kon butá tatua bo mosumba kon i-Nakó kon Baḷoi-Ku.”

YESAYA 58:14

Dá, mopiabí in gina monimu sin mogundoi kon i-Nakó. Baḻíon-Ku in moiko horomaton kon sinangkub in dunia. Moiko in mobiagbí mosanang takin bungai in butá tonsilai i Yakub, mogoguyangmu. Akuoi, ki Tuhan ain nosingog.”

YESAYA 60:21

Intau mita inta nogutun kon butámu in mogaidbí kon onu inta totuu, mosia in mobaḻíbí kitogi in butá tatua modapot in mononoi. Mosia in naonda bo pinomuḷa inta cinangkok inta pinomuḷa-Ku tontaní, sin moponiata kon kamuliaan-Ku.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

PINOGIAPAN 26:65

Ki Tuhan ain noguman kon mosia komintan in matoibí kon padang gurun. Bo totuu kon mosia in minatoidon komintan, koḻikudon in ki Kaleb adí i Yepune bo ki Yosua adí i Nun.

ULANGAN 5:33

Aidaidon in bayongan inta pinarenta i Tuhan Allahmu kon inimu sinbá moiko mobiag motompia bo umuran mogutun kon butá inta pogutunan monimu.”

IBRANI 11:16

Táe noniata magí inta kinotanoban monia tua in tobatúbí butá inta totok mopia, tuata in butá inta kon soroga. Manangka intua diábí mooyá in ki Allah tangoion ki Allah monia, sin pinosadiaan bidon i Allah in mosia kon tobatú kotá.

YOSUA 14:9

Bo tuamai, ki Musa nodandi kon butá inta binayáku inindoian notantúbí kon ogoi kon inakó bo kon i adíku mita mobaḻí kapunyaan nami mononoi.

WAHYU 5:10

Binaḻí-Mudon in mosia tobatú dodatuan inta nobaḻí imang mita, sinbá mosia in mogaid kon oaidan i Allah naton, bo momarenta kon dunia naa.”