MAZMUR 37:3 - Alkitab Singog In Mongondow Masa In Tanaa

³ Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

MAZMUR 37:3 ပူးပေါင်းရင်းမြစ်များ

KINOBAḺIAN 26:2

Soaḷ tatua inaidannea sin ki Tuhan aindon nokipogontong kon inia bo noguman, “Dika mayá in Mesir; pogutundon kon butá tanaa, ná inta ain pinoguman-Ku kon inimu.

KINOBAḺIAN 26:3

Akuoi in moḷukadbí bo momarakat kon inimu. Komintan butá tanaa in ogoi-Kubí kon inimu bo kon buímu. Intompodan-Kubí in dandi-Ku inta ain pinoguman-Ku kon i Abraham ki amámu.

DATU MITA IMITÁNEA 19:6

Ki Elia in nobobui magí mako, bo kinoontonganneadon kon oyúon in roti sinubá takin tampat in tubig inta kon bonu in tubig kon uḷuanneamai. Dá nongaan bo nonginumdon in sia, bo bui inumuḻid.

MAZMUR 26:1

Mazmur i Daud. Ogoiaipa in inta moadil in akuoi, o Tuhan, sin akuoi in nobiag takin notuḻid in gina. Akuoi in nongamang kon i Tuhan, bo diábí in ḻia-ḻiaw in gina tongopiḻikmai.

MAZMUR 33:19

Sia in noposaḷamat kon i monia nongkon popatoi, bo nomiag kon i monia kon tungkuḷ in ginogoi.

MAZMUR 4:5

Kourotdon sin moondok bo dikadon bui mogaid kon mokobaradosa Tano-tanobbí pokopia, kon tungkuḷ in umuḻid mako kon tosiugan.

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

AMSAL 3:5

Popirisayabí kon i Tuhan takin ḻimbatú in ginamu, bo dika mopongata in pandoimu tontaní.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

YESAYA 50:10

Ei moiko inta mohoromat kon i Tuhan, bo inta nokidongog kon tosingogon in mogogundoi-Nea, daḷan inta binayáan monimu degá nosindip, bo diá in sindar inta nonindar kon inimu; táe popirisayadon kon i Tuhan; kadaidon kon i Allahmu.

LUKAS 22:35

Nopaḷut mako nosingog kon tua, Sia in noguman kon i monia, “Tungkuḷ in pinotabá-Ku in moiko bo diá-Ku inogoi nodia kon dompet, botutu andeka sapatu, yo degá nokoimontanmai in moiko in kinodaitan in onu bo onu?” “Dia!” tubag monia.

ULANGAN 30:20

Kotabibí in ki Tuhan Allahmu, duduiaidon in Sia, bo pokosatiadon kon i-Nia. Dá moiko bo buímu in mobiag moumur kon butá inta pinodandi i Tuhan kon mogoguyangmu, ki Abraham, ki Ishak bo ki Yakub.”

SAMUEL 1 26:19

Tuang datu, indongogaidon in sumba in bobantung naa. Aka kuma ki Tuhan in nopotabá kon i Tuang datu sinbá moḷawang kon bobantung naa, yo sosumba kuruban tobatú in mokoonowbí kon torú-Nea kon bobantung naa. Táe aka inta nopotabá tua kon i Tuang datu bo intaubí, yo igumon mako mosia tua in kutukondon i Tuhan! Popisí in aid monia tatua, bobantung naa ain pinoguntun nongkon butá kapunyaan i Tuhan bo pakisadon mustibí mayá in butá ibanea bo pokisumbaan in dewa mita inta diá kinotaauanku.