MAZMUR 37:15 - Alkitab Singog In Mongondow Masa In Tanaa

¹⁵ Táe intau moraat in kotumbukanbí in kedangnea tontaní, puḷu in piot monia in putoḷonbí.

MAZMUR 37:15 ပူးပေါင်းရင်းမြစ်များ

SAMUEL 2 17:23

Naonda in kinotaauan i Ahitopel kon tongginanea in diá dinuduian, sia nopopakédon in ḷoḻitúan kon keledainea bo nobui kon kotánea tontaní. Naonda in noginḷapat mako kon bayongan in oaidannea ginumantongdon in sia, bo iḷobong kon bonu in poḷoḷobongan kon inanakannea.

ESTER 9:16

Intau mita in Yahudi inta nogutun kon propinsi mita in noyosipundon bo moḷawang kon musung monia. Mosia in nonaḷow kon musungnea bo nokoḻimod kon 75.000 in intau inta moyaat in gina kon i monia. Táe mosia in diábí nogagow.

ESTER 9:22

Sin kon singgai mita tatuata in mosia nonaḷow kon musung mita monia, dá robonoḷ bo nakit in gina monia nobaḷui pia bo sanang in gina. Tuamai mosia in mustibí momia kon ponanoban kon singgai mita tatua pongin bobutungan bo mongaan poḷat mosiogoian in kaanon bo mosilai kon totuḷung kon intau nobiag nobogá.

MAZMUR 34:22

Inta moraat in matoibí popisí in aidnea moraat, intau inta mondoí kon intau motoḷutui in hukumonbí.

MAZMUR 35:8

Biódon mako in mosia koantugan in bodito inta diá binutu-butunganmai. Biódon mako in mosia moibonu bui kon poyogaḷap monia tontaní bo moḷabú poḷat moyopú.

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

MAZMUR 46:9

Igai, indoiaika mongo onu in pinomia i Tuhan, totuu mokoherang in oaidan-Nea kon dunia!

YESAYA 37:38

Kon singgai tobatú, kon tungkuḷ in sia koyogot in nosambayang kon bonu in kuil i Dewa Nisrokh, sia in iḻimod in pitow i Adramelekh bo i Sarezer, ki adínea mita ḷoḷaki. Nopaḷut mako kon tua mosia in noḷagui kon Ararat. Dá ki Esarhadon, ki adínea ḷoḷaki ibanea, in nobaḻí datu nomaḷui kon inia.

YEREMIA 51:56

Mosia in mamangoi sin momoguyaat kon Babel, modomok kon tontaranea mita bo momutoḷ kon pakakat mita in parang monia. Akuoibí in Tuhan inta mohukum kon aid moraat, bo Babel in tuḻían-Kubí podudui in aidnea.

HOSEA 1:5

Kon tungkuḷ intua kon Ḷopá in Yizréel Akuoi in norimumud kon ropot in tontara in Israel.”

HOSEA 2:18

Kon dodai intua Akuoi in momia kon dodandian takin bayongan in mahaḷuk sinbá mosia in dika monuyayow kon umat-Ku. Akuoi mopogogaibí in bayongan parang bo moposí in pakakat mita in parang nongkon butá in umat-Ku tatua, bo momaḻí kon i monia mobiag motompia bo moaman.

MIKHA 5:6

Intau in Israel inta ki agatneapa in mobaḻídon naonda bo oḷú moonow nongkon i Tuhan kon mobayong in bangusa, bo naonda bo uyan nomonag kon pinomuḷa. Mosia in umandoḷbí kon i Allah, bo deeman kon intau.

SAMUEL 1 2:4

Ropot in pahlawan in noputoḷdon, táe modugangdon moropot in intau inta moyangkó.

SAMUEL 1 31:4

Bo nogumandon in ki Saul kon tayow mobiag inta nodia kon pakakat in parangnea, “Rabutdon in kedangmu bo tumbukdon in akuoi, sinbá akuoi diá pogogitog muna bodongka ḻimodon in intau mita inta diá nonotaau kon i Tuhan tatua.” Táe tayow mobiag tatua in doíbí monumbuk kon inia, sin totok in sia mohoromat kon i Saul. Manangka intua ki Saul in norabutdon kon kedangnea tontaní bo inumumpag kon mata in kedang tatua.