MAZMUR 34:13 - Alkitab Singog In Mongondow Masa In Tanaa

¹³ Moibog degá in moiko moumur in kobiagan bo motarima kon inta mopia?

MAZMUR 34:13 ပူးပေါင်းရင်းမြစ်များ

AYUB 15:13

Iko in sinumorú kon i Allah bo nomayow kon i-Nia.

MAZMUR 141:3

O Tuhan, ḷukadaipa in bibigku bo taridiaidon in bibigku.

MAZMUR 39:1

Kon i itoi in mododondong. Mazmur i Daud. Kon i Yedutun.

MAZMUR 55:11

Singgai doḷom moḻibuan in mosia, mogaid kon inta moraat bo mopomuká in inta mokotombauk.

AMSAL 12:19

Uboḷ in moibukábí doman kon bonu in tongá tokokiap in mata, táe tosingogon mita inta mobanar in mononoibí.

AMSAL 12:22

Ki Tuhan in doíbí kon intau mouboḷ; táe mopia in gina-Nea kon intau inta motuḻid in gina.

AMSAL 12:7

Intau moraat in moḷabúbí bo moyopú takin diá in paḷotnea; táe intau mopia in umuranbí moroton modapot in adí bo ompu.

AMSAL 13:3

Intau inta muna morai bo mosingog moaman in kobiagannea; intau inta tongá kino singo-singognea koantugan in roriga.

AMSAL 18:21

Dilá naa in oyúonbí in kawasanea moposaḷamat kon kobiagan andeka momoguyaat; intau in mustibí mobaba kon bungai in tosingogonnea.

AMSAL 19:9

Intau inta monguboḷ kon pongadilan notantú bidon kon hukumon bo yopúon.

AMSAL 21:23

Sinbá moisimparut kon roriga, yo mustidon mokopoingat in mosingog.

YESAYA 63:8

Ki Tuhan in noguman, “Totuu, mosia in umat-Ku, adí mita inta diá mokokudai kon gina.” Dá Sia in nobaḻí mopoposaḷamat monia,

AMOS 5:14

Poḷongasidon pogaid kon inta mopia bo dikabí in moraat, sinbá moiko in mobiag. Dá ki Tuhan Inta Totok in Mokawasa in totu-totuudon mogutun kon sigad monimu ná inta pinoguman monimu.

KOLOSE 3:9

Dikadon mosiuboḷan sin ain sinaḷáan monimu in kobobiag koḻipod bo tabiatnea.

YAKOBUS 1:19

Utat mita inta kinotabiku, tarukira kopira in naa! Pomuḷoi in intau musti ḻimikat in mokidongog, tongá mokopoḷaḷoi in mosingog bo donaai doman baḷú tumorú.

YAKOBUS 1:26

Aka oyúon in tobatú intau inta monganggap kon sia tua in motoḷutui in mopobayá kon parenta in agama, táe sia in diá mokotahang in diá mosingog kon intau, dá nonguboḷdon in sia kon inia tontaní; bo diádon mangaḻe in ibadanea tatua.

YAKOBUS 3:2

Kita komintan in mokakit in mogaid kon inta noitaḷá. Táe intau inta diá dodai onda in nosingog kon noitaḷá, sia tua intau nosompurna, inta mokokawasa kon bayongan in awaknea.

PETRUS 1 2:1

Manangka intua, ḷumbúdon in bayongan inta moraat; kon i monimu, bo donaaidon umuran monguboḷ, momunapik. Dikadon mointoi, bo dikadon mohojat kon intau ibanea.

PETRUS 1 2:22

Sia in diábí dodai onda in nogaid kon dosa, bo diábí doman tobatúmai intau nokodongog kon i-Nia nonguboḷ.