MAZMUR 33:7 - Alkitab Singog In Mongondow Masa In Tanaa

⁷ Bayongan in tubig kon dagat sinobatú-Nea kon tampat tobatú, baḷangon sinipun-Nea kon bonu in bandungan.

MAZMUR 33:7 ပူးပေါင်းရင်းမြစ်များ

AYUB 26:10

Ginambar-Nea in inta noḻimbung kon tayowon in baḷangon sin mopoyotondí in bayag nongkon sindip.

MAZMUR 78:13

Binotak-Nea in dagat, bodongka nopoḷoḷan kon i monia; tubig pinosindog-Nea naonda bo dinimpot.

IḶUAIAN 15:8

Dagat inirup-Mu, naonda bo pompang, nodapot in dagat motaaudon bayáan.

AMSAL 8:29

kon tungkuḷ in Sia nomarenta kon tubig in dagat sinbá dika ḻimimpat kon tonsigadnea mita. Akuoi in kon tua doman kon dodai in aip in butá naa pinoompat-Nea.

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

HABAKUK 3:15

Takin kabaḷo-Mu iritakan-Mu in baḷangon bo dagat inta nobudó in nonomburá.

YOSUA 3:13

Bain aka imang mita inta momotaan kon Poti Dodandian i Tuhan mopotobogdon in sioḷnea kon tubig in Ongkag in Yordan tatua, dá tubignea in mobontowdon; tubig inta nongkon uḷuannea in mobutongdon kon tampat tobatú.”

YOSUA 3:16

dá kon dodaipa doman tuata torú in tubig tatua nobontow. Nongkon uḷuan in tubig noyayú in kinosipunan tubig, tubig nosipun kon Adam, kon kotá tobatú inta kon ḻimako in kotá in Sartan. Tubig inta kon sioḷan inta noiḻig ná Laut Mati nobontowdon, dá umat in Israel iḷumoḷandon kon butá noingkag noyogintayowan in kotá in Yerikho. Imang mita inta nomotaan kon Poti Dodandian tatua umuranpabí sinimindog mako kon yua-yuak in ongkag tatua nodapot in bayongan umat in Israel noiḷoḷandon komintan.