MAZMUR 33:3 - Alkitab Singog In Mongondow Masa In Tanaa

³ Podondongdon in dondong mobagu kon i Tuhan, kutidon kopia in kecapi bo porogiowdon takin sanang!

MAZMUR 33:3 ပူးပေါင်းရင်းမြစ်များ

TAWARIKH 1 13:8

bo ki Daud takin bangusa in Israel notayok bo nodondong takin pia totok in gina, sin mohoromat kon i Allah bo sinakinan in kecapi, rebana, simbal bo torompet.

TAWARIKH 1 15:22

Ki Kenanya in piniḻí sin mobaḻí tongguḷu in intau mita inta mopogogitog in musik nongkon suku Lewi, sin sia in totok in motaau in musik.

TAWARIKH 1 25:7

Ki adí ḷoḷaki monia inta doyowa nopuḷú bo opat takin ginaḷum motoḷuadí monia tua in intau mita inta mongopia mita mopogogitog in musik. Kobayong monia komintan tua in 288 in intau.

TAWARIKH 2 34:12

Intau mita inta nonompia tatua totu-totuubí kon motuḻid in gina. Mosia in sinongganutan in intau in Lewi taya opat: ki Yahat bo ki Obaja nongkon inanakan i Merari, bo ki Zakharia bo ki Mesulam inta nongkon inanakan i Kehat. Intau mita in Lewi, inta komintan mopia mogogitog in musik,

MAZMUR 144:9

Akuoi in mopodondong in dondong mobagu kon ini-Mu, o Allah, bo mokuti kon kecapi poḷat modondong.

MAZMUR 149:1

Dayowdon in ki Tuhan! Podondongdon in dondong mobagu kon i Tuhan, dayowdon in Sia kon bonu in poyodungkuḷan in umat-Nea!

MAZMUR 40:3

Inugut-Nea in akuoi nongkon bubú inta mokoanib, nongkon yoná in dampaḷ. Inukat-Nea in akuoi kon tudu in tombuḷud batu, dá ḷampangku in mopia.

MAZMUR 40:4

Sinundú-Nea in akuoi nopodondong in dondong mobagu, dondong dodayow kon i Allah naton. Nobayong in intau in nokoontong bo inagían in ondok, bo nopirisaya kon i Tuhan.

MAZMUR 96:1

Podondongdon in dondong mobagu kon i Tuhan! Podondongdon kon i Tuhan, ei sinangkub in dunia!

MAZMUR 98:1

Mazmur. Podondongdon in dondong mobagu kon i Tuhan, sin aid-Nea mita inta mokotongaw! Pinongin kawasa bo ropot-Nea tontaní Sia in nokountungdon.

YESAYA 42:10

Podondong in dondong mobagu kon i Tuhan, dayowdon in Sia ei sinangkub in dunia! Ponggonugurdon, ei dagat bo bayongan in tombonunea, ḻipú mita inta moyayú bo bayongan in intau inta nogutun kon tua!

EPESUS 5:19

Pakédon in singog mita inta nongkon Mazmur, dondong inta pinodayow kon i Allah bo dondong rohani, kon wakutu in moiko moyosingog. Kosanang in gina bo mopodondong in dodayow kon i Tuhan.

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

WAHYU 14:3

Mosia tua in nopodondong in dondong inta mobagu kon tayowon tampat pomomarentaan bo kon tayowon in mahaḷuk opat bo itoi mita. Diábí in tobatúmai intau mokobalajar kon dondong tatua, koḻikudbí in intau inta 144.000 inta ain pinobebas nongkon dunia naa.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.