MAZMUR 33:10 - Alkitab Singog In Mongondow Masa In Tanaa

¹⁰ Ki Tuhan in nopogogai kon bayongan in tomayá mita in bangusa mita, Sia in nonginggamá kon niat monia.

MAZMUR 33:10 ပူးပေါင်းရင်းမြစ်များ

KINOBAḺIAN 11:8

Natuata in aid i Tuhan noporarit kon i monia kon bonu in dunia naa. Bo nogogaidon in mosia noposindog in kotá tatua.

SAMUEL 2 15:31

Naonda in pinotaaudon kon i Daud kon ki Ahitopel in sinumakin doman kon komplotan i Absalom, nosambayangdon in ki Daud nanaa, “Oo, Tuhan, poigumon mako poyayúon-Mudon in tonggina i Ahitopel!”

SAMUEL 2 15:34

Táe iko in motaaubí motuḷung kon inakó, aka iko mobui kon kotá bo moguman kon i Absalom, kon tanaa in iko in mobantungdon kon inia takin satia, ná pinobobantungmu kon i amánea koḻipod. Takin aid natua iko in mokopoyayúdon kon bayongan in tonggina i Ahitopel.

SAMUEL 2 17:14

Nokodongogmai kon tua in ki Absalom bo bayongan intau in Israel yo noguman in mosia, “Tonggina i Husai in mopia-pia in tonggina i Ahitopel.” Totuu, ki Tuhan ain nonantú kon mogindiá kon tonggina i Ahitopel inta mopia tatua, sinbá ki Absalom in kotugatandon in bodito.

SAMUEL 2 17:23

Naonda in kinotaauan i Ahitopel kon tongginanea in diá dinuduian, sia nopopakédon in ḷoḻitúan kon keledainea bo nobui kon kotánea tontaní. Naonda in noginḷapat mako kon bayongan in oaidannea ginumantongdon in sia, bo iḷobong kon bonu in poḷoḷobongan kon inanakannea.

DATU MITA 2 6:9

Táe ki Elisa in nokidia in habar kon i datu in Israel sin mobogoi in tompoingat sinbá diá mayá in tampat tatua, sin intau mita in Siria in biasamai in mayá mongin daḷan tatua.

NEHEMIA 4:9

Tuamai in nosambayang in kami kon i Allah nami bo noḷukad kon kotá tatua doḷom bo singgai.

MAZMUR 140:8

Tuhan, Allahku, mopoposaḷamatku inta moropot, Iko in nogoḻingoidon kon inakó kon bonu in parang.

MAZMUR 21:11

Nongkon buí monia diá in kinotaḻiban, ki datu in moyompatbí kon i monia komintan.

MAZMUR 9:15

sinbá akuoi in modayow kon ini-Mu kon tayowon in intau mita in Yerusalem. Akuoi in monggoḷakapbí takin pia in gina sin Iko in noposaḷamat kon inakó.

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

YESAYA 19:3

Diábí pobaḻíon-Ku in tomayá mita in Mesir bo momutoḷ kon ibog in gina monia. Mosia in mopoigumbí in totuḷung kon berhala mita, mopoigum kon tonggina bo topotundú kon mongongundam mita bo dimukud mita.

YESAYA 44:23

Porogiowdon moḷunganga, ei ḷangit, porogiowdon, ei bonu in butá! Porogiowdon takin ḷunganga in gina, ei buḷud mita! Natua doman in kayuon bo bayongan in pangkoi in kayu kon bonunea! Sin ki Tuhan in nopoontongdon in kamuliaan-Nea pinongin notobut kon Israel umat-Nea.

YESAYA 44:25

Akuoibí naa inta noḷamboi kon toḻindap in mononoḻindap, bo inta nopoyambá kon mogogoiní mita. Tosingogon mita in intau mobijak binayowan-Ku, kabijaksanaan monia binaḻí-Ku kabodokan.

YEREMIA 19:7

Kon tampat tanaa pogogaion-Ku in bayongan tomayá in intau in Yohuda bo intau in Yerusalem. Mosia in pomayá-Kubí in taḷowon in musung mita monia bo ḻimodon kon poparangan. Mayat monia in pomayá-Kudon mako in kaanon in ḷagapan bo mahaḷuk mokokaan kon mahaḷuk ibanea.

YEHEZKIEL 20:32

Moiko in moibog tumongkai kon bangusa mita ibanea bo intau mita inta nogutun kon butá mita ibanea inta nosumba kon pangkoi in kayu bo batu. Táe ibogmu tua in diábí kodapotan.’ ”

MALEAKHI 1:4

Aka buí i Esau, intau mita in Edom tatua in noguman, “Kotá mita nami ain irimumud, táe buibí posindogon nami,” dá ki Tuhan in motubag, “Mosia in motaaubí moposindog bui, táe bui-Kubí umpagon in sia. Mosia in tangoionbí ‘Butá moraat’ bo ‘Bangusa inta kinotugatan in torú i Tuhan modapot in mononoi.’ ”