MAZMUR 32:7 - Alkitab Singog In Mongondow Masa In Tanaa

⁷ Ikobí in pogogadopanku, Pinoḷuat-Mu in akuoi nongkon roriga. Dá akuoi in nonggoḷokap pia in gina, sin Iko in noposaḷamatdon kon inakó.

MAZMUR 32:7 ပူးပေါင်းရင်းမြစ်များ

SAMUEL 2 22:1

Naonda in ki Tuhan noposaḷamat kon i Daud nongkon i Saul bo nongkon musungnea ibanea, nopodondong in ki Daud in dondong tanaa kon i Tuhan: [

MAZMUR 119:114

Ikobí in mododuḷu bo mogogoḻingoiku, akuoi in mogoḷat mako kon dandi-Mu.

MAZMUR 143:9

Akuoi in mamangoi sin moniug kon ini-Mu, o Tuhan, poḷuatdon in akuoi nongkon musungku mita.

MAZMUR 18:5

Akuoi in iḻibudon in bodito mokopatoi, bo sinaḷomdon in ḷunud poyopú.

MAZMUR 27:5

Ki Tuhan in moḷukadbí kon inakó kon dodai in mororiga; binuni-Nea in akuoi kon bonu in Baḷoi-Nea, bo nodia kon inakó pinobayá kon tudu in buḷud batu.

MAZMUR 31:20

Totuu mobayong in tabi-Mu inta sinadia-Mu kon intau inta mopirisaya! Pomuḷoi in intau mokoontong kon kopopia inta pinomia-Mu, kon i monia inta nokioḻingoi kon ini-Mu.

MAZMUR 32:10

Intau binaradosa kinoantugan in roriga mobayong; táe intau inta nongamang kon i Tuhan umuranbí iḷukadan in tabi-Nea.

MAZMUR 40:3

Inugut-Nea in akuoi nongkon bubú inta mokoanib, nongkon yoná in dampaḷ. Inukat-Nea in akuoi kon tudu in tombuḷud batu, dá ḷampangku in mopia.

MAZMUR 5:12

Igumon mako bayongan in intau inta noniung kon ini-Mu mopia in gina bo tantú monggoḷokap. Ḷukadaidon in intau mita inta motabi kon ini-Mu, sinbá moḷunganga in gina monia popisí in Iko.

MAZMUR 9:9

Sia in nomarenta kon bangusa mita takin moadil bo nonisig kon i monia takin motuḻid.

MAZMUR 91:1

Intau inta nokiḷukad kon i Inta Totok in Moḷantud, bo inta nogutun kon bonu in oḻiung i Inta Totok in Mokawasa,

MAZMUR 98:1

Mazmur. Podondongdon in dondong mobagu kon i Tuhan, sin aid-Nea mita inta mokotongaw! Pinongin kawasa bo ropot-Nea tontaní Sia in nokountungdon.

YEREMIA 36:26

Noidapot in ki datu nomarentabí kon i adínea ḷoḷaki, ki Yerahmeel, noyotakin i Seraya ki adí i Azriel bo ki Selemya ki adí i Abdeel, sin modomok kon inakó bo kon i Barukh momomaisku. Táe binuni i Tuhan in kaminda.

KOLOSE 3:3

Sin moiko ain minatoi bo kobiaganmu noibuni noyotakin i Kristus inta notobatú i Allah.

WAHYU 7:10

Mosia in nomaḷú noropot nanaa: “Kasaḷamatan naa in tongábí nongkon i Allah naton inta iḻimitú kon tudu in tampat pomomarentaan bo nongkon i Adí in Domba tatua!”

HAKIM MITA 5:1

Kon singgai tatua nododongdon in ki Debora bo ki Barak adí i Abinoam. Nanaa in kainia