MAZMUR 31:20 - Alkitab Singog In Mongondow Masa In Tanaa

²⁰ Totuu mobayong in tabi-Mu inta sinadia-Mu kon intau inta mopirisaya! Pomuḷoi in intau mokoontong kon kopopia inta pinomia-Mu, kon i monia inta nokioḻingoi kon ini-Mu.

MAZMUR 31:20 ပူးပေါင်းရင်းမြစ်များ

AYUB 5:21

Iko in ḷukadanbí nongkon tapud bo ouman inta diá totuu; sinayowanmu in bodito takin diá moondok.

MAZMUR 10:2

Dumodia in intau moraat mondorot kon intau nobogá; pomayádon mako in mosia moibaaḷ kon poyogaḷap monia tontaní.

MAZMUR 103:11

Táe ná sigad in ḷangit bo butá, natua in koḷoben in tabi-Nea kon intau inta motoguondok kon i-Nia.

MAZMUR 103:8

Sin ki Tuhan in motabi bo mopia in gina Sia in mosabar bo tabi-Nea in moiḻiu ḷoben.

MAZMUR 119:124

Popoaidon kon inakó podudui in tabi-Mu, bo tundúdon kon inakó in atorang-Mu.

MAZMUR 124:5

bo kita in minatoidon noḷomot kon ponangkaburowan in tubig inta mokoondok.”

MAZMUR 140:3

Mosia in monomayá kon inta moraat kon bonu in gina, bo pomuḷoi in singgai mokopomuká kon bobayowan.

MAZMUR 140:5

O Tuhan, ḷukadaidon in akuoi nongkon kawasa in intau moraat, ḷukadaidon in akuoi nongkon intau inta moḻingá inta moniat mopoḷabú kon inakó.

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

MAZMUR 27:5

Ki Tuhan in moḷukadbí kon inakó kon dodai in mororiga; binuni-Nea in akuoi kon bonu in Baḷoi-Nea, bo nodia kon inakó pinobayá kon tudu in buḷud batu.

MAZMUR 32:7

Ikobí in pogogadopanku, Pinoḷuat-Mu in akuoi nongkon roriga. Dá akuoi in nonggoḷokap pia in gina, sin Iko in noposaḷamatdon kon inakó.

MAZMUR 36:11

Igumon mako Iko in umuran motabi kon intau inta nonotaau kon ini-Mu, bo mogaid kon inta mopia kon intau inta motuḻid in gina.

MAZMUR 36:6

Tuhan, tabi-Mu ná koḷantud in ḷangit, bo kososatia-Mu nodapot in goḷom.

MAZMUR 36:8

Totuu moḷoben in mangaḻe in tabi-Mu, o Allah, intau in moniung kon bonu in koḻikip-Mu.

MAZMUR 40:4

Sinundú-Nea in akuoi nopodondong in dondong mobagu, dondong dodayow kon i Allah naton. Nobayong in intau in nokoontong bo inagían in ondok, bo nopirisaya kon i Tuhan.

MAZMUR 57:11

Sin tabi-Mu in moḷantud modapot in ḷangit, bo kososatia-Mu modapot in goḷom mita.

MAZMUR 86:14

O Allah, intau moḷoḷatú in simindog monubu kon inakó, tongopaanan in intau moḻingá moibog moḻimod kon inakó; mosia in diábí mopandungmai kon ini-Mu.

IḶUAIAN 18:11

Naa in kinotaauankudon kon ki Tuhanbí in mokawa-kawasa nongkon bayongan ilah, sin tua komintan inaidan-Nea kon dodai intau in Mesir dinumodiadon totok kon intau mita Israel.”

SURAT I PAULUS KON JAMAAT RUM 13:13

Musti in kita mogaid kon soaḷ mita motompia ná inta biasamai aidan in intau kon tungkuḷ in mobayagpa. Dika mogaid kon rame inta moiḻiu, ande moḷoḷangu. Dika mogaid kon inta mokoromú ande oaid inta diá koendar. Dika moporopatoi, bo dika mosiintoian.

KORINTUS 2 12:20

Sin moḻia-ḻiaw in ginaku, dikabo naonda in akuoi mamangoi, koangoiankumai moiko diádon ná inta iharapku mako, ná doman tua in akuoi, koangoianmai monimu, diádon ná inta iharap mako monimu. Sin dikabo mobobayowanmai in moiko, mosiintoian, dumodia, tongá moibog morai kon kopontingan tontaní bo mopotombauk.

GALATIA 5:20

Mosia in moibog mosumba kon ilah mita ibanea, mongonggaing, moibog mosisaturuan, moibog moropatoi, mointoi kon intau ibanea, ḷagi tumorú, bo tongá morai kon kopontingan tontaní, momoguyaat kon jamaat; bo moibog mopoyoposi kon inta,

TIMOTIUS 1 6:4

yo intau tatua in mododia bo diá doman nonotaau kon onu bo onu! Panyaki in intau natua in moibo-ibog mobobayowan kon soaḷ istila mita sahingga in mokopomuká kon intoi, ropatoi, mosiponapudan in diá totuu, mosicurigaan,

YAKOBUS 4:6

Umpaka natua, totabi Allah inta inogoi kon i naton moropo-ropot nongkon ibog in roho naton tatua. Tuamai kon bonu in Buk motusi in pinais doman, “Ḷawangonbí i Allah in intau inta mokaḷakuang, táe Sia in motabibí kon intau inta moompá in dodia.”