MAZMUR 31:2 - Alkitab Singog In Mongondow Masa In Tanaa

² Akuoi in mokioḻingoi kon ini-Mu o Tuhan, dika pomayá mako in akuoi pokudaion. Posaḷamatdon in akuoi podoyon kon kooadil-Mu

MAZMUR 31:2 ပူးပေါင်းရင်းမြစ်များ

SAMUEL 2 22:3

Ki Tuhan in naonda bo poḷoḷukadan inta moropot tampat pogogadopanku. Ki Allahku in naonda bo buḷud batu, tampat pononiunganku. Naonda bo kaḻeaw in Sia mogoḻingoi kon inakó, bo moḷukad kon inakó sinbá umuran mosaḷamat.

AYUB 7:21

Diádon degá mokoampung in Iko kon dosaku? Diádon degá in Iko mokopopat kon taḷáku? Diádon moonggot bo akuoi moiuḻid kon bonu in poḷoḷobongan, bo aka tayakon-Mu in akuoi, diá bidon mouḻí-Mu.”

MAZMUR 102:2

O Tuhan, indongogaipa kaasí in sambayangku, biódon mako kuaniku modapot kon ini-Mu.

MAZMUR 130:2

Tuhan, indongogaipa kaasí in kuaniku, indongogaipa kaasí in oigumku.

MAZMUR 143:7

Ḷagidon kaasí tubagai in akuoi, o Tuhan, sin diádon in kamangku. Dika mogadop kon inakó, sinbá akuoi in diá ná intau inta ain noponag kon dunia in intau minatoi.

MAZMUR 25:2

o Allahku, akuoi in mopirisaya kon ini-Mu! Dika pomayá mako in akuoi pokopooyáanmai, bo goḷokapan in musungku mita.

MAZMUR 40:17

Igumon mako in bayongan in intau inta nosumba kon ini-Mu moḷunganga bo mopia in gina, bo bayongan inta motabi kon kasaḷamatan nongkon ini-Mu umuran moguman, “Totuubí moḷantud in ki Tuhan!”

MAZMUR 62:7

Tongábí Sia in mogoḻiung bo moposaḷamat kon inakó; Sia in mododuḷuku, diábí in akuoi motundan.

MAZMUR 69:17

Tubagaidon in akuoi, o Tuhan, sin Iko in mopia bo tabi-Mu in mononoi. Bobuipa kaasí in akuoi sin tabi-Mu in totuubí kon moḷoben.

MAZMUR 7:2

Oo Tuhan Allahku, akuoi in moniung kon ini-Mu; posaḷamatdon bo poḷuatdon in akuoi nongkon bayongan in intau inta mogaḷo-gaḷow mako kon inakó.

MAZMUR 79:1

Mazmur i Asap. O Allah, bangusa inta diá nonotaau kon ini-Mu ain iḻimitú kon butá budel-Mu. Mosia in noponajisdon in Baḷoi-Mu, Yerusalem in binaḻídon apug,

MAZMUR 86:1

Sambayang i Daud. Indongogaipa in sambayangku, o Tuhan, bo tubagaipa in akuoi, sin akuoi nobogá bo moyangkó.

MAZMUR 90:1

Sambayang i Musa, mogogundoi i Allah. O Tuhan, Ikobí in pononiungan nami modapot kon adí bo ompu.

MAZMUR 91:9

Sin ki Tuhan in binaḻímu mododuḷumu, ki Inta Totok in moḷantud binaḻímu mogogoḻingoimu.

MAZMUR 94:22

Táe ki Tuhan in mododuḷuku. Ki Allahku in nobaḻí mogogoḻingoiku.

AMSAL 22:17

Indongogai, akuoi in motundúbí kon inimu in tonggina in intau moarip! Tondudutbí in topotundúku.

YESAYA 33:16

Dá moiko in kosiunganbí takin moaman, naonda bo kon bonu in poḷoḷukadan inta moropot. Kaanon bo inumon in sadiaanbí kon inimu.

LUKAS 18:8

Popirisayabí: tuḷungan-Neabí in mosia! Táe aka Adí Intau mamangoi, yo oyúonpa degá in intau mopirisaya in kon dunia naa?”

YOHANES 6:56

Intau inta mokaan kon awak-Ku bo monginum kon dugú-Ku, umuranbí in Sia motobatú takin-Ku, bo Akuoi i motobatúnea doman.

ULANGAN 32:31

Musung in Israel nonotaau kon pogogadopan monia diábí ná ki Allah inta mogogoḻiung in Israel.

YOHANES 1 4:12

Diábí tobatúmai intau in nokoimontandon in nokoontong kon i Allah, táe aka kita mositabian, yo ki Allah notobatúdon naton bo tabi-Nea mobaḻídon mosompurna kon i naton.