MAZMUR 31:13 - Alkitab Singog In Mongondow Masa In Tanaa

¹³ Akuoi in iḻiongdon naonda bo intau minatoi, bo nádon onda bo pakakat inta iḷumbú.

MAZMUR 31:13 ပူးပေါင်းရင်းမြစ်များ

KINOBAḺIAN 40:23

Táe mopoposadia kon oinumon i datu tatua in diá bidon kinotoropannea in ki Yusup. Totok bidon in kinoḻiongannea in ki Yusup.

MAZMUR 101:5

Intau inta umuni-uni moponapud in uboḷ in putúanbí. Intau inta moḷoḷatú bo motosiḷantud in diábí pomayáku mako.

MAZMUR 55:10

Oo Tuhan, potoboḻingudon in musungku mita, potombaukdon in ouman monia, sin kon kotá inontongkudon in aid motogat bo ropatoi.

MAZMUR 57:4

Nongkon soroga Sia in motubag bo moposaḷamat kon inakó; Sia in nonaḷow kon intau mita inta mondorot kon inakó. Poontongbí i Allah kon Sia in mosatia kon inakó, bo umuranbí motabi kon inakó.

YEREMIA 11:19

Akuoi in naonda bo domba inta diábí in curiga dinia kon tampat pororataan. Diábí kinotaauanku kon akuoibí inta nobaḻí makusud in tomayá mita moraat monia. Mosia in noguman, “Igai pupuḷon naton in pangkoi in kayu tanaa kon dodai in sia in momungaipa; yopúon naton in sia sinbá tangoinea in ḻiongondon in intau.”

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

YEREMIA 6:25

Mosia in diá mokobaḻí in moponag kon daḷan andeka mayá in gobá, sin kon bayongan in tampat musung mita in modia kon pakakat in parang sin mongindoyó.

OMBAḶ 2:22

Inoiní-Mu in musung mita inta kinoondok nami sin momia kon rame aid moḻingá kon ḻibumai nami. Mosia in noḻimod kon bayongan inta biniag bo inta kinotabi nami. Kon singgai in torú-Mu, diábí tobatúmai in intau in mokoḷagui.

MATIUS 26:59

Imang mita itoi bo bayongan in Sidang Agama moḷongasi motayak kon taḷá-Nea, sinbá baḻíon dodoyonan pohukuman kon i-Nia modapot in matoi.

MATIUS 27:1

Naonda in modiugdon mobayag, bayongan imang itoi bo guhanga in ḻipú intau in Yahudi noyosipun bo nonantúdon kon moḻimod kon i Yesus.

LUKAS 23:5

Táe tantú domandon monia ḷongasion kon bá hukumon in Sia, mosia in noguman, “Totundú-Nea mita totok in mokopongaru kon bayongan intau in Yudea. Pinangkoipamai kon Galilea bo tanaa nodapotdon kon naa.”

SAMUEL 1 20:33

Nokodongogmai kon tua in ki Saul noponakuḷ in pandongnea kon i Yonatan sin moḻimod kon inia. Dá kinotaauandon kon totu-totuu bidon in ki Saul moḷongasi moḻimod kon i Daud.

SAMUEL 1 24:9

Iḻumuai domandon in ki Daud nongkon angob tatua bo nomaḷú kon tumimai i Saul, “Tuang Datu!”