MAZMUR 29:4 - Alkitab Singog In Mongondow Masa In Tanaa

⁴ Singog i Tuhan kinodongogan, nopuḻing in kawasa bo kototorindog.

MAZMUR 29:4 ပူးပေါင်းရင်းမြစ်များ

MAZMUR 33:9

Sin Sia in nosingog, bo bayongan yagi-yagi binaḻí; Sia in nomarenta, dá bayongan yagi-yagi nooyúon.

MAZMUR 68:33

Podondongdon kon i Allah, ei bayongan in dodatuan, podondongdon in dodayow kon i Tuhan,

MAZMUR 68:34

kon i-Nia inta nongin baḷangon dungkuḷmai. Indongogai! Ki Tuhan in nosingog, singog-Nea in moḷangon totok.

MAZMUR 93:4

Táe ki Tuhan inta nongawasa kon soroga, in motoya-toyang kon gonuaḷ in tubig kon baḷangon, moropo-ropot nongkon torú in bokoḷ.

YESAYA 30:30

Ki Tuhan mopodongogbí in singog-Nea inta momulia, bo pomuḷoi in intau in mokorasabí kon kawasa-Nea inta motoyang. Torú-Nea in mokopoangoibí kon tuḷú inta mokopokak, uyan morogot, uyan batu bo deḷang.

YESAYA 66:6

Indongogai! Oyúon in singog in gonugur kon kotá; oyúon in singog nongkon Baḷoi-Ku; tuata in singog-Ku inta koyogot motuḻí kon musung!

YEHEZKIEL 10:5

Singog in pongaḻikokaban in kerub mita tatua in kinodongogan nodapot kon palas kon ḷuai, naonda bo singog i Allah inta Totok in mokawasa.

AMOS 1:2

Naa in inta pinoguman i Amos, “Ki Tuhan in noganggor nongkon Tombuḷud in Sion, singog-Nea in modorasing nongkon Yerusalem. Rawang mita in bonok iḷumogat, bonok kon Buḷud in Karmel inimingkagdon komintan.”

LUKAS 4:36

Komintan intau in nongoherang bo nosingog, “Diábí tongá ibo-ibog in singog-Nea mita. Mokobangkaḷ totok in pososingog-Nea bo takin kawasa in Sia nokipoḷuai in dimukud mita moraat tatua, bo ḷumuai doman in mosia!”

LUKAS 8:25

Bo siningog i Yesus in mosia, “Nongonu sin moiko in diábí mopirisaya kon i-Nakó?” Mosia in noondok bo noherang. Mosia in nosiḻibóan, “Ki inebí sabanarnea in intau tanaa sin umpaka tompot bo bokoḷ yo dumudui doman kon singog-Nea!”