MAZMUR 29:11 - Alkitab Singog In Mongondow Masa In Tanaa

¹¹ Igumon mako ki Tuhan mobogoi in ropot kon umat-Nea, bo nopomia kon i monia mobiag motompia.

MAZMUR 29:11 ပူးပေါင်းရင်းမြစ်များ

MAZMUR 138:3

Kon tungkuḷ in akuoi nokuani kon ini-Mu, Iko in notubag, inirigonan-Mu in ginaku dá nobaranidon in akuoi.

MAZMUR 37:11

Intau inta moompá in dodia in motarimabí kon butá tatua, bo mokouḻíbí kon kobiagan motompia totok.

MAZMUR 68:35

Akudon in kawasa i Allah inta nomarenta kon Israel, kawasa-Nea in nodapot kon ḷangit.

MAZMUR 72:3

Igumon mako butá nami in motomoman bo mobiag motompia, bo inta moadil oyúon kon bayongan in bangusa.

MAZMUR 72:7

Igumon mako kooadil in modugang kon bonu in wakutunea, bo kororomon in moiḻiu kon tungkuḷ in oyúonpa in buḷan.

MAZMUR 84:7

Kon dodai in mosia minayá nongin ḷopá Mononoi, tampat tatua binaḷuian monia nobaḻí bokaká, uyan dungkuḷ nobogoi in barakat totuu mobayong.

MAZMUR 85:10

Totuu, Sia in moibogbí moposaḷamat kon intau inta modagin kon i-Nia, ki Allah inta moḷantud in mogutunbí kon butá naton.

MAZMUR 85:8

Poontongdon kon Iko in tantúbí monotabi, o Tuhan, ogoiaidon in kami in kasaḷamatan nongkon ini-Mu.

YESAYA 26:12

Tuhan, Iko in mopobaḻíbí kon inami mobiag motompia; bayongan inta inaidan nami, Ikobí in nopoaid kon inami.

YESAYA 40:29

Sia in moginropot kon intau inta moḷopí, moporigon kon gina monia inta diá kodaya.

YESAYA 40:31

Táe intau inta mopongata kon i Tuhan, in mokouḻí kon ropot mobagu. Mosia in naonda bo ḷagapan boniá inta ḷumayug moonik mopongata in koḻikipnea. Mosia in moribatuk bo diábí moḷopí, mosia in mayá bo diábí moḷungkoyó.

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

ZAKHARIA 10:12

Akuoi in moginropotbí kon umat-Ku, mosia in tumoḷutuibí in mosumba kon i-Nakó. Akuoi, ki Tuhan, ain nosingog.”

ZAKHARIA 10:6

“Intau in Yohuda in iropotan-Kubí, umat in Israel in posaḷamaton-Ku. Diaan-Ku in mosia mobui mangoi kon butánea popisí in Akuoi motabi kon i monia. Popoaid-Kubí kon i monia naonda bo bangusa inta diá kon dodai in onda in iḻiong-Ku. Akuoibí in ki Tuhan Allah monia, bayongan in sambayangnea in indongogan-Kubí bui.

YOHANES 14:27

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

YOHANES 16:33

Naa komintan in poguman-Ku sinbá moiko in mokouḻí kon kobiagan motompia bo moonow sin notobatú-Kudon. Kon dunia naa moyoyangpabí in moiko, táe korotonbí in ginamu, sin Akuoi in diábí taḷowon in dunia naa!”

SURAT I PAULUS KON JAMAAT RUM 14:17

Sin aka ki Allah in momarenta kon kobiagan intau, yo soaḷ onu in motaau kaanon ande inumonnea, tua in diábí moponting. Inta moponting in soaḷbí intau inta dumudui kon onu in kinoibog i Allah in mokorasabí kon moonow in gina bo motarima kon kasanangan gina inta inogoi in Roho i Allah, tua in moponting.

EPESUS 2:17

Manangka intua ki Kristus in namangoi bo nopotaau in Habar Mopia soaḷ dodamean tatua kon i monimu; pinomayá moiko intau inta deeman Yahudi inta koḻipod noyayú kon i Allah, ande intau mita in Yahudi inta nodiug kon i Allah.

EPESUS 3:16

Mosambayang in akuoi sinbá ki Allah inta totok in momulia tua in moibog moginrigon kon batinmu takin Roho-Nea.

TESALONIKA 2 3:16

Ki Tuhanbí tua in pangkoi in kobiagan naton motompia. Poigumon mako umuran in Sia mobogoi kon i monimu in kobiagan motompia bo moonow kon bayongan in yagi-yagi. Bo igumon doman mako sinbá ki Tuhan in umuran moyotakin monimu komintan.

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.

WAHYU 1:4

Utat mita inta kon pitu nojamaat kon daerah in Asia! Akuoi, ki Yohanes, mopoigum mako sinbá moiko in ogoian i Allah in barakat bo kobiagan motompia--tuata in ki Inta oyúon, bo inta koyongandon oyúon, bo inta umuran oyúon, bo nongkon roho pitu inta kon tayowonmai in tampat pomomarentaan i Allah,