MAZMUR 28:7 - Alkitab Singog In Mongondow Masa In Tanaa

⁷ Ki Tuhan in mogogoḻiung bo mododuḷuku, akuoi in mopirisaya kon i-Nia. Sia in notuḷung bo nopoḷunganga in ginaku, akuoi in nodayow kon i-Nia pinongin dondong sukur.

MAZMUR 28:7 ပူးပေါင်းရင်းမြစ်များ

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

MAZMUR 13:5

Dika pomayá mako in musungku in moguman kon mosia in nonaḷowdon kon inakó. Dikabí pomayá mako in akuoi goḷokapan monia.

MAZMUR 13:6

Sin akuoi in mopongata in tabi-Mu, dá moḷunganga in akuoi sin Iko in noposaḷamat kon inakó. Akuoi in moibog mopoyaput in dondong kon i Tuhan, sin Sia in nopoaid in mopia kon inakó!

MAZMUR 19:14

Poyayúdon in akuoi nongkon dosa inta sinontuon inaidan, donaai pomayá mako in akuoi kawasaannea. Dá mobaḻídon in akuoi diá in bogit, bo moiḷuatdon nongkon aid moitaḷá inta mobogat.

MAZMUR 21:1

Kon i itoi in mododondong. Mazmur i Daud.

MAZMUR 22:4

Táe Iko in Datu Inta Totok in motusi, inta dinayo-dayow in Israel.

MAZMUR 28:8

Ki Tuhan in nobogoi in ropot kon umat-Nea, Sia in noduḷu bo noposaḷamat kon datu inta piniḻí-Nea.

MAZMUR 3:3

Nobarong in noguman kon ki Allah in doí motuḷung kon inakó.

MAZMUR 3:4

Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

MAZMUR 33:21

Mopia in gina naton popisí in Sia bo mopirisaya kon tangoi-Nea inta motusi.

MAZMUR 37:39

Ki Tuhan in moposaḷamatbí in intau motoḷutui, bo moḷukad kon i monia kon tungkuḷ in mororiga.

MAZMUR 40:3

Inugut-Nea in akuoi nongkon bubú inta mokoanib, nongkon yoná in dampaḷ. Inukat-Nea in akuoi kon tudu in tombuḷud batu, dá ḷampangku in mopia.

MAZMUR 43:2

Ikobí in ki Allah moḷoḷukadku; nongonu sin taḷaan-Mubí in akuoi? Nongonu sin akuoi in umuranbí mobaba kon roriga popisí in doroton in musungku mita?

MAZMUR 46:1

Mazmur in inanakan i Korah. Kon i itoi in mododondong. Pinongin dondong Alamot.

MAZMUR 46:2

Ki Allah in mogogoḻingoi bo pangkoi in ropot naton; Sia in umuranbí taḷaoḷat bo mokotuḷungbí kon bonu in yoyiga.

MAZMUR 69:30

Táe akuoi in dinorot bo mogigon kon monakit, buatdon in akuoi o Allah, bo posaḷamatpa in akuoi.

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

MAZMUR 91:4

Iko in koḷoban-Neabí in koḻikip-Nea, dá moodombí in iko kon bonu in oḻiung-Nea; kososatia-Nea in naonda bo kaḻeaw inta noḷukad kon inimu.

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 45:24

Intau mita inta noguman, ‘Koadilan bo ropot in tongábí nongkon i Tuhan!’ Bayongan in intau inta doí kon i-Nakó in mamangoibí kon i-Nakó bo mooyá.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

WAHYU 15:3

Bo mosia in nopodondong in dondong i Musa, mogogundoi i Allah, bo dondong i Adí in Domba. Nanaa in dondong tatua, “Tuhan, Allah Inta Totok in Mokawasa, totuu moḷoben bo mokoherang in bayongan inta inaidan-Mu! Datu in bayongan bangusa, totuu moadil bo mobanar in bayongan oaid-Mu!

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.