MAZMUR 28:5 - Alkitab Singog In Mongondow Masa In Tanaa

⁵ Mosia in diábí nopandungmai kon inta pinomia i Tuhan, andeka onu inta pinomia-Nea. Dá Sia in mohukumbí kon i monia, bo moyopú kon i monia modapot in mononoi.

MAZMUR 28:5 ပူးပေါင်းရင်းမြစ်များ

SAMUEL 2 7:27

Tuhan Inta Totok in Mokawasa! Nokopobaranidon in akuoi in nopoyaput in sambayangku tanaa kon ini-Mu, sin Ikodon tontaní in nopotaau kon inakó kon adí bo ompuku bo namonag in baḻíon-Mu datu kon bangusa tanaa.

DATU MITA IMITÁNEA 11:38

Aka iko, ná mogogundoi-Ku ki Daud, motoindudui totu-totuu kon i-Nakó bo mobiag podudui in hukum-Ku mita, bo mokosanang kon gina-Ku takin mopoaid in bayongan inta pinarenta-Ku kon inimu, dá Akuoi in umuranbí moyotakinmu. Baḻíon-Kubí in iko datu kon Israel. Jaminon-Kubí kon buímu in mobaḻíbí datu in Israel momaḷui kon inimu, notongkai ná inta pinomia-Ku kon i Daud.

MAZMUR 10:5

Intau moraat mokodapot kon bayongan inta iḷongasinea; sia in diábí nonotaau andeka nomangaḻe kon hukum i Tuhan bo mopoompámai kon bayongan in musungnea.

MAZMUR 104:24

Totuu mobayong in mia-Mu, Tuhan, komintanbí pinomia-Mu takin mobijaksana; butá in nopuḻing in aid-Mu.

MAZMUR 8:3

podondong in mongoadí mita bo adí mita mointok. Pomarentaan-Mu in moroton bo diá motundan sin momompon kon bibig in musung bo saturu.

YESAYA 22:11

moiko in nogaid kon tabang kon bonu in kotá bo nosipun kon tubig nongkon tabang koyongan. Táe moiko in diá nonondudut kon i Allah inta ain noonggot in nonomayá kon tua komintan, bo inta nokopopisí kon tua nobaḻí.

YESAYA 40:26

Ḷangagdon kon ḷangit, bo taridika! Ki ine in nomaḻí kon tundi mita? Sia inta nonompia kon i monia naonda bo tontara, kinotaauan-Nea in kobayong monia, bo mogoiní kon batúannea podudui in tangoinea-tangoinea. Diábí tobatúmai in mobuḻi, popisí in moḷoben totok in kawasa i Tuhan!

YESAYA 45:12

Akuoibí in ki Tuhan inta nomia kon butá, bo inta nomaḻí kon intau sin mogutun kon tua. Pinodoyon kon kawasa-Ku Akuoi in nosongká kon ḷangit, bo nomarenta kon mata in singgai, buḷan bo tundi mita.

YESAYA 45:18

Ki Tuhanbí in inta nomaḻí kon ḷangit, Siabí in ki Allah! Siabí inta nomia bo nogaid kon butá, binaḻí noroton bo tantú noisindog mako. Diábí binaḻí-Nea tampat inta noingongow, táe tampatbí inta pogutunan. Siabí inta noguman, “Akuoibí in Tuhan bo diábí in ibanea mako.

YESAYA 45:8

Nongkon ḷangit pinoonag-Ku in kauntungan naonda bo uyan, butá noibog in notarima kon tua, bo nopomuká in kasaḷamatan bo kabebasan; Akuoi ki Tuhan inta nopobaḻí intua.”

YESAYA 5:12

Kon bobutunganmu mita oyúon in singog in kecapi, gambus, rebana bo bansí bo monginum kon anggur. Táe diábí pinandungmai monimu onu in pinomia i Tuhan bo onu inta inaidan-Nea.

YEREMIA 31:4

Bangusamu in baḻíon-Kubí ponango-nangoian ná dungkuḷmai. Komintanpa doman moiko in mogamábí kon rebana bo motayok takin ḷunganga in gina.

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”

PINOGIAPAN 23:23

Diábí in totaau in kumaan kon i Yakub diábí in ponggaing in mokomampu monayow kon Israel. Tosingogon in intau soaḷ bangusa tatua, ‘Indoiai in mokoherang inta inaidan i Allah!’

YOHANES 12:37

Umpaka nobayongdon in soaḷ mita inta mokoherang in pinomia i Yesus kon tayowon monia tua, táe mosia in diábí mopirisaya kon i-Nia.

SURAT I PAULUS KON JAMAAT RUM 1:20

Pinangkoipamai in Sia nomaḻí kon dunia naa, sipat mita i Allah inta diá koontongan, ná kaadaan-Nea saḷaku Allah bo kawasa-Nea inta mononoi, kinotaauan bidon in intau nongkon bayongan inta pinomia-Nea tua, sahingga intau in diábí motaau in dumodia.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.