MAZMUR 27:9 - Alkitab Singog In Mongondow Masa In Tanaa

⁹ dikabí mogadop kon inakó.” Dikabí tumorú bo doí motarima kon i mogogundoi-Mu, sin Ikobí in inta ain notuḷung kon inakó. Dikabí moḷumbú kon inakó andeka monaḷámai kon inakó, o Allah, mopoposaḷamatku.

MAZMUR 27:9 ပူးပေါင်းရင်းမြစ်များ

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

MAZMUR 102:2

O Tuhan, indongogaipa kaasí in sambayangku, biódon mako kuaniku modapot kon ini-Mu.

MAZMUR 102:3

Dika toḻikudan in akuoi aka koumaan in susa in akuoi. Indongogaipa kaasí in akuoi aka mokuani, bo ḷagidon tubagai in akuoi.

MAZMUR 119:121

Akuoi in nogaidon kon inta moadil bo inta noitutui, dikabí kaasí ogoi in akuoi kon kawasa in musung.

MAZMUR 13:1

Kon i itoi in mododondong. Mazmur i Daud.

MAZMUR 143:7

Ḷagidon kaasí tubagai in akuoi, o Tuhan, sin diádon in kamangku. Dika mogadop kon inakó, sinbá akuoi in diá ná intau inta ain noponag kon dunia in intau minatoi.

MAZMUR 24:5

Siabí tua inta barakatan bo posaḷamaton i Tuhan, bo poniata i Allah kon diá kotaḷá.

MAZMUR 44:24

Pobangondon kaasí, o Tuhan! Nongonu sin mosiugbí in Iko? Sindogdon! Dika mondoí kon inami modapot in mononoi.

MAZMUR 51:11

Dikapa bobuion in dosaku mita, bo popataidon in bayongan in taḷáku.

MAZMUR 69:17

Tubagaidon in akuoi, o Tuhan, sin Iko in mopia bo tabi-Mu in mononoi. Bobuipa kaasí in akuoi sin tabi-Mu in totuubí kon moḷoben.

MAZMUR 69:18

Dikabí mogadop kon mogogundoi-Mu naa, sin moyoyigadon totok in akuoi, ḷagidon tuḷungai mangoi in akuoi.

MAZMUR 88:1

Dondong. Mazmur in inanakan i Korah. Kon i itoi in mododondong. Podudui in dondong: Mahalat Leanot. Dondong topotundú i Heman, intau in Ezrahi.

YESAYA 50:1

Ki Tuhan in noguman kon Israel, “Ei umat-Ku, kainimu kamai Akuoi in mopoguntunbí kon inimu naonda bo buḷoi ḷoḷaki mopoguntun kon i buḷoinea bobay? Aka natua, yo kon onda in surat gogaatannea? Kainimu kamai Akuoi in mopotaḷui kon inimu, naonda bo guyanga ḷoḷaki nopotaḷui kon i adínea kon intau inta mamangoi moigum kon boḻi? Deeman! Iko in dinakop bo iḷumbú, popisí in dosa bo aid moraatmu tontaní!

YESAYA 59:2

Popisí in aidmubí inta moraat dá doí in Sia mokidongog kon tungkuḷ in moiko nosambayang kon i-Nia. Dosamubí mita inta nopotondí kon i monimu nongkon i Allah.

YEREMIA 32:40

Akuoi in momiabí kon dodandian inta mononoi takin i monia. Akuoi in diábí mogogai in mogaid kon inta mopia kon i monia. Baḻíon-Kubí in mosia moondok bo mohoromat kon i-Nakó takin ḻimbatú in gina sinbá mosia diá yumayú kon i-Nakó.

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”

SAMUEL 1 7:12

Nopaḷut mako kon tua ki Samuel noposindog in batu tobatú, kon pinosigadan in Mizpa bo Sen. Sia in noguman, “Ki Tuhan totu-totuudon notuḷung kon inaton.” – Bo batu tatua in sinangoiannea “Batu Pinotuḷungan”.