MAZMUR 25:9 - Alkitab Singog In Mongondow Masa In Tanaa

⁹ Ki Tuhan in mokapit kon intau inta moompá in gina, bo motundú kon i monia onu in kinoibog-Nea.

MAZMUR 25:9 ပူးပေါင်းရင်းမြစ်များ

MAZMUR 119:35

Igumon mako akuoi in umuran kumadai totok kon parenta-Mu, sin tuabí in kinoibogku.

MAZMUR 119:66

Ogoiaidon in akuoi in hikmat bo totaau, sin akuoi in mopirisaya kon parenta-Mu mita.

MAZMUR 143:10

Tundúdon in akuoi mogaid kon onu in kinoibog-Mu, sin Ikobí in ki Allahku. Iko in mopia in gina, bo modia kon inakó mayá mongindaḷan notondodai.

MAZMUR 147:6

Sia in noposindog in intau inta dinorot, táe intau moraat in pogambat-Nea kon butá.

MAZMUR 149:4

Ki Tuhan in moibog kon umat-Nea; pinountung-Nea in intau inta moompá in dodia.

MAZMUR 22:26

Kon yuak in poyodungkuḷan in umat akuoi in modayow kon ini-Mu, sin bayongan in inta ain inaidan-Mu. Kon tayowon in umat inta mopirisaya posumbaku in kuruban inta pinodandiku.

MAZMUR 23:3

Sia in nobogoi in ropot mobagu kon inakó, bo notundú kon inakó in daḷan inta moitutui, podudui in dandi-Nea.

MAZMUR 27:11

Poontongdon kon inakó onu inta koibog-Mu, o Tuhan, kapitondon in akuoi kon daḷan inta notuḻid, sin musungku in totuu mobayong.

MAZMUR 73:24

Kinapit-Mu in akuoi in tonggina, bo sinarima-Mu in akuoi takin horomat kon singgai moiduduimai.

MAZMUR 76:9

Nongkon ḷangit Iko moponiata in onu in sinantú-Mu; butá moondok bo kibio-biómai.

AMSAL 8:20

Akuoi in dinumudui kon daḷan inta moadil, bo akuoi in nongin daḷan inta moitutui.

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

YEHEZKIEL 36:27

Roho-Ku in popogonú-Ku kon bonu in ginamu bo ḷukadan-Ku in moiko sinbá mobiag podudui in hukum-Ku mita poḷat motoindudui kon bayongan in parenta-Ku.

ZEPANYA 2:3

Angoidon bui kon i Tuhan, ei bayongan intau inta moompá in dodia kon butá tanaa, bo bayongan in intau inta dinumudui kon parenta-Nea mita. Pogaidon kon onu inta kinoibog i Tuhan, bo pokoompádon kon dodia kon tayowon-Nea. Dika-dika bo iko in moisimparut nongkon hukuman kon singgai ki Tuhan mopoontong in torú-Nea.

MATIUS 5:5

Pia in kamang in intau inta moaḷus in oaid bo pososingog sin mosia tua i motarima kon dandi i Allah.

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

OUMAN IN RASUL MITA 13:10

bo noguman, “Ei intau inta mouboḷ totok, ki adí in Ibilis! Iko nion saturu in bayongan inta mopia. Nongonu sin diábí doman mogogai iko in moḷamboi kon tomayá i Allah moposaḷamat kon intau?

OUMAN IN RASUL MITA 9:2

bo noigum kon surat kawasa kon inia sin diaannea kon majelis mita in Yahudi inta kon Damsyik, sinbá aka sia in mokodungkuḷ kon intau mita kon tua inta mopirisaya kon i Tuhan Yesus, yo sia in motaau modomok kon i monia bo diaan pobayá in Yerusalem.

GALATIA 5:23

moompá in dodia, bo mokotahang kon gina. Diábí in hukum agama in molarang kon oaid mita natua.

IBRANI 10:20

Binukatandon i Yesus in daḷan mobagu bayáan naton, daḷan inta mobogoi in kobiagan. Daḷan tatua in mongin gorden inta awak i Yesus tontaní.

YAKOBUS 1:21

Tuamai ḷumbúdon in tabiat inta nonajis bo moraat. Táe koaḷusdon in gina motarima kon pirman inta pinomuḷa i Allah kon bonu in ginamu, sin moḷoben kawasa in pirman tatua kon moposaḷamat kon inimu.

PETRUS 1 3:15

Táe kon bonu in ginamu, musti in moiko mobogoi in ponghoromatan tontaní inta moyokaan in kadudukan-Nea saḷaku Tuhan. Bo umuran pobasadia in motubag kon intau mita inta moibog mopoḻibó-ḻibó kon soaḷ inta nobaḻí dodoyonan in pirisaya monimu.

PETRUS 1 3:4

Táe, ḷambáaibí bonu in gina monimu in ḷambá inta diá mogogu-goguyaat, tuata in budi inta mopia bo moonow in raian. Tuabí in ḷambá moḷunat inta kinoibog i Allah.