MAZMUR 25:7 - Alkitab Singog In Mongondow Masa In Tanaa

⁷ Ampungaidon kaasí in dosa bo taḷá kon dodai in akuoi nobagupa, toropdon in akuoi podudui in tabi bo kopopia-Mu.

MAZMUR 25:7 ပူးပေါင်းရင်းမြစ်များ

AYUB 13:26

Sinantú-Mudon in kobiagan inta mopait kon inakó; Sinuḻían-Mu in taḷáku kon dodai in akuoi noguodpa.

AYUB 20:11

Umpaka sia in nobagupa bo motorindog, táe topípa bo mobaḻídon in sia ḷobud inta diá baraguna.

MAZMUR 106:3

Pia in kamang in intau inta dinumudui kon parenta-Nea mita, bo umuran mobanar in aidannea.

MAZMUR 106:4

Toropdon in akuoi, o Tuhan, podudui in kopopia-Mu kon umat-Mu, tuḷungai domandon in akuoi aka Iko moposaḷamat kon i monia.

MAZMUR 109:14

Biódon mako in aid moraat in mogoguyangnea umuran kotoropan i Tuhan, bo dosa i inánea in diábí popatan.

MAZMUR 109:16

Sin intau tatua in diábí kon dodai in onda in mokotorop kon mopoontong in tabi. Sia in momogutú kon intau nobogá bo inta mororiga, bo moḻimod kon intau inta diá mokopongonu.

MAZMUR 109:26

Tuḷungaipa kaasí in akuoi, o Tuhan Allahku, posaḷamatpa in akuoi podudui in tabi-Mu.

MAZMUR 119:124

Popoaidon kon inakó podudui in tabi-Mu, bo tundúdon kon inakó in atorang-Mu.

MAZMUR 31:16

Iko in umuranbí moḷukad kon inakó; posaḷamatdon in akuoi nongkon musungku mita, bo nongkon intau mita inta mogaḷow kon inakó.

MAZMUR 51:1

Kon i itoi in mododondong. Mazmur i Daud

MAZMUR 6:4

Ginaku in diádon motantúmai; modapotbí in toonu kaasí taḷaan-Mu in akuoi, o Tuhan?

MAZMUR 79:8

Dikabí mohukum kon inami popisí in dosa in mogoguyang nami. Ḷagidon kotabi in kami, sin nodaitdon in kamang nami.

YESAYA 38:17

Robonoḷ in ginaku in mobaḷuibí mobaḻí ḷunganga in gina, Iko in moposaḷamat kon inakó nongkon anib; dosaku mita inampungan-Mudon komintan.

YESAYA 43:25

Táe Akuoi in ki Allah inta nomopat kon dosamu, Inampungan-Ku in iko sin natuabí in sipat-Ku; Akuoi in diá bidon tantú monorop kon dosamu mita.

YESAYA 48:11

Tua in inaidan-Ku pinodoyon kon i-Nakó tontaní, sin Akuoi in diábí mopomayá mako in tangoi-Ku poraaton magí-mako; kamuliaan-Ku in diábí silaion-Ku kon i ineka.”

YESAYA 64:9

Dá dikadon tumorú totok, kaasí Tuhan, dikadon monoro-norop kon dosa nami; indoiaidon kaasí in kami naa umat-Mu.

YEREMIA 3:25

Dá, pomayádon mako in kami in mobaba kon oyá, bo pomayádon mako in kami mobaḻí mohina. Sin, kami bo mogoguyang nami ain binaradosa kon i Tuhan Allah nami, bo diá kon dodai in onda in notoḷutui kon parenta-Nea mita.”

YEREMIA 31:34

Diá bidon paraḷu tobatúmai in intau nongkon i monia in mositundúan bá monotaau kon i Tuhan. Sin mosia komintan, moḷoben mointok, in monotaau bidon kon i-Nakó. Taḷá mita monia in ḻiongon-Ku bidon, dosa mita monia in ampungan-Kubí. Akuoi, ki Tuhan, ain nosingog.”

YOHANES 5:14

Noiduduimai kon tua, ki Yesus in bui noyodungkuḷ in intau tatua kon bonu in Baḷoi Tuhan, bo ki Yesus in noguman kon inia: “Pokotoropdon, nopiadon iko in tanaa. Dikadon bui mogaid kon dosa, sinbá diá koantugan bui in inta moraa-raat.”

YOHANES 5:5

Kon tampat tatua oyúon doman in intau tobatú inta ain toḷu nopuḷú bowaḷu notaong in notakit.

IBRANI 8:12

Ampungan-Kudon in taḷá mita monia, bo diá bidon umuran-Ku toropon mako in dosa mita monia.”