MAZMUR 25:5 - Alkitab Singog In Mongondow Masa In Tanaa

⁵ Tundúdon bo kapitdon in akuoi kon mobiag podudui in koibog-Mu, sin Ikobí in ki Allah inta noposaḷamat kon inakó, akuoi in umuranbí mongamang kon ini-Mu.

MAZMUR 25:5 ပူးပေါင်းရင်းမြစ်များ

KINOBAḺIAN 49:18

O Tuhan, kasaḷamatan inta inogoi-Mu, tuata inta inoḷatku mako.

NEHEMIA 9:20

Pinongin kawasa-Mu inta mopia sinundú-Mu in mosia. Mosia in nokaan kon Manna bo nonginum kon tubig inta tugat kon i monia.

AYUB 36:22

Toropdon, ki Allah tua in totuu moḷoben in kawasa-Nea. Oyúon degá in guru ná kotoyang-Nea?

MAZMUR 107:7

Sia in nodia kon i monia nongin daḷan inta notuḻid minayá in pinogutunan kon kotá.

MAZMUR 119:26

Inakuku in aidku, bo Iko in notubag kon inakó; tundúdon kon inakó in atorang-Mu.

MAZMUR 119:33

Tuhan, tundúdon kon inakó in mangaḻe in atorang-Mu mita, sinbá dumudui in akuoi modapot in kopaḷutannea.

MAZMUR 119:66

Ogoiaidon in akuoi in hikmat bo totaau, sin akuoi in mopirisaya kon parenta-Mu mita.

MAZMUR 119:97

Totokbí in koibogku in hukum-Mu; umurankubí tano-tano bo kinoouput in singgai.

MAZMUR 22:2

Allahku, o Allahku, Nongonu sin sinaḷáan-Mubimai in akuoi? Akuoi in nokuani, táe Iko in umuranbí noyayú bo diá notuḷung kon inakó.

MAZMUR 24:5

Siabí tua inta barakatan bo posaḷamaton i Tuhan, bo poniata i Allah kon diá kotaḷá.

MAZMUR 25:10

Intau inta motoindudui kon dodandian bo hukum-Nea, yo kotabi-Neabí in mosia takin satia.

MAZMUR 25:8

Sin ki Tuhan tua in mopia bo moadil, Sia in motundú kon daḷan kon i monia inta noiḷaḻe.

MAZMUR 68:20

Dayowdon in ki Tuhan, sin Siabí in ki Allah inta noposaḷamat kon inaton; pomuḷoi in singgai momotaan in Sia kon dodiaan naton.

MAZMUR 79:9

Tuḷungaipa kaasí in kami o Allah, mopoposaḷamat nami, ampungaipa in dosa mita nami bo poḷuatdon in kami podoyon kon kahoromatan-Mu tontaní.

MAZMUR 86:3

Ikobí in ki Allahku, kotabipa kaasí in akuoi o Tuhan, sin kinoouput in singgai akuoi mosambayang kon ini-Mu.

MAZMUR 88:1

Dondong. Mazmur in inanakan i Korah. Kon i itoi in mododondong. Podudui in dondong: Mahalat Leanot. Dondong topotundú i Heman, intau in Ezrahi.

AMSAL 23:17

Dika mointoi kon intau binaradosa. Tantúdon kotoindudui kon i Allah

AMSAL 8:34

Pia in kamang in intau inta mokidongog kon inakó inta pomuḷoi in singgai ḻimitú mogoḷat mako kon ngara in baḷoiku, bo umuran moḷukad kon bonawang in pinogutunanku.

YESAYA 30:18

Umpaka natua, ki Tuhan in mogoḷatbí mako kon wakutunea mopoontong in totabi-Nea kon inimu. Sia in tantúbí nosadia in monotabi kon inimu. Sin ki Tuhan in Allah inta nogaid kon onu inta noitutui. Pia in kamang in intau inta inumandoḷ mako kon i-Nia.

YESAYA 35:8

Kon tua in oyúondon in daḷan moḷoben, “Daḷan mokosaḷamat” in tangoinea. Intau binaradosa in diábí moitaḻib kon tua, Intau bodok in diábí mopoḷaḻe kon intau inta tumaḻib kon tua.

YESAYA 42:16

Bangusa-Ku inta bilog in kapiton-Ku pongin daḷan inta diá kinotaauan monia; mosia in diaan-Ku kon daḷan mita inta diá kinotaauan monia. Sindip baḻíon-Ku bayag kon i monia, bo daḷan inta notangkaḻembong in tondodaion-Ku. Tuata in aidan-Ku kon i monia, bo notantú bidon kon aidan-Ku.

YESAYA 49:10

Mosia in diábí morogang andeka gogoyon, bo diábí kotugatan in patú in mata in singgai kon padang gurun. Sin Akuoi, in motabi kon i monia, in modiabí kon i monia, bo modia kon i monia mayá in bokaká mita.

YESAYA 54:13

Bayongan in intaumu mobaḻí murí-Ku, mosia in mobiag mooyúon bo motompia.

YEREMIA 31:9

Mosia in mayá takin moḷabú in ḷuá, Ḻipoion-Ku bo kapiton-Ku in mosia. Diaan-Ku in mosia mongin tampat mita inta mobayong in tubig, mongin daḷan motondodai inta diá in kopintudan. Kon i Israel, Akuoi in naonda bo ki amá; Epraim in ki adí-Ku ḷoḷaki guya-guyang.”

MIKHA 7:7

Táe kita in mongamang mako kon i Tuhan; pinodoyon kon koyakinan moḻimbatú kita in mogoḷat mako kon i Allah naton. Sia in mokidongogbí kon sambayang naton bo moposaḷamat kon i naton.

LUKAS 18:7

Umpaka yo diá tuḷungan i Allah in intau inta ain piniḻí-Nea bo inta umuran doman mokuani kon i-Nia doḷom bo singgai? Umpaka yo onggo-onggotan-Neapa in wakutu-Nea motuḷung kon i monia?

YOHANES 14:26

Táe Roho i Allah, Mototuḷung inta bain potabá i Amá podoyon kon tangoi-Ku. Siadon tua in motundú kon i monimu kon bayongan rupa-rupa bo moponorop bui kon i monimu kon bayongan inta ain pinotaau-Ku kon i monimu.

YOHANES 16:13

Táe aka Roho tatua mamangoi, ki Inta moponiata in kobobanar soaḷ ki Allah, yo diaan-Neabí in moiko bo tundúon monotaau kon bayongan kobobanar tatua. Sin Sia in diábí mosingog podudui in ibog-Nea tontaní, táe mogumanbí kon onu in dinongog-Nea, bo poguman-Neabí kon inimu onu in mobaḻí kon singgai moiduduimai.

YOHANES 6:45

Kon bonu in Buk in nabi mita pinais nanaa: ‘Komintan intau tundúonbí i Allah.’ Dá bayongan intau inta ain nokodongog kon totundú bo nobalajar nongkon i Amá, mamangoibí kon i-Nakó.

SURAT I PAULUS KON JAMAAT RUM 8:14

Intau mita inta kinawasa in Roho i Allah, mosia tua in ki adí mita i Allah.

YOHANES 1 2:27

Táe aka soaḷ moiko nion ain bidon inogoian i Kristus in Roho-Nea. Bo kon dodai in Roho tatua mongawasapa kon i monimu, diá bidon paraḷu in intau ibanea in motundú kon i monimu, sin Roho bidon tatua in motundú kon bayongan yagi-yagi kon i monimu. Bo onu in tundúon-Nea totuubí intua deemanbí tongá uboḷ. Tuamai tantúdon dudui kon onu inta ain sinundú-Nea tua kon i monimu bo umurandon kobiag motobatú takin i Kristus.

WAHYU 7:17

Sin ki Adí in Domba inta iḻimitú kon tampat pomomarentaan tatua in mobaḻí gombala monia, bo diaan-Nea in mosia mayá kon bokaká in tubig inta mokobiag. Bo inggamáandon i Allah in bayongan ḷuá kon mata monia.”