MAZMUR 25:18 - Alkitab Singog In Mongondow Masa In Tanaa

¹⁸ Tondudutdon in roriga bo susahku, bo ampungaidon kaasí in bayongan in dosaku.

MAZMUR 25:18 ပူးပေါင်းရင်းမြစ်များ

SAMUEL 2 16:12

Degá bo umuranbí indoian mako i Tuhan in roriga tanaa bo momarakat kon inakó nobaḻí toḻiu in odi-odi tatua.”

MAZMUR 119:132

Bobuidon in akuoi bo kotabipa kaasí in akuoi, ná kototabi-Mu kon intau inta motabi kon ini-Mu.

MAZMUR 119:153

Indoiaipa kaasí in rorigaku bo posaḷamatpa in akuoi, sin diábí sinaḷáanku in hukum-Mu.

MAZMUR 132:1

Dondong mayá in Baḷoi Tuhan. O Tuhan, toropdon in ki Daud, bo bayongan in roriganea.

OMBAḶ 1:9

Kinononajisnea in noniatadon táe diábí pinandungneamai in onu inta ain nobaḻí kon inia. Motoyang totok in kinoumpagannea, táe diábí tobatúmai in nopoḻipoi kon inia. Dá nopoigum in sia kon totabi i Tuhan, popisí in musungnea mita in nountungdon.

OMBAḶ 5:1

Toropdon, kaasí Tuhan, onu inta nobaḻí kon inami. Bobuidon in kami, bo indoiaika in kohohina nami.

MATIUS 9:2

Bo intau nodia mangoi kon i-Nia in intau tobatú inta ḻempeng bo noitosiug mako kon tosiugannea. Naonda inontong i Yesus in pirisaya monia, Sia in noguman kon intau inta diá mokobayá tatua, “Popirisayadon, adí-Ku! Taḷámu aindon inampungan.”

LUKAS 1:25

Ki Elisabet nosingog nanaa, “Pangabisannea sinuḷungan i Tuhan in akuoi, ininggamáan-Nea in onu inta mokooyá kon inakó.”

SAMUEL 1 1:11

Onda intua ki Hana nodandi, kainia, “O Tuhan Inta Totok in Mokawasa, indoiaipa kaasí in mogogundoi-Mu naa! Indoiaipa in rorigaku. Toropdon in mogogundoi-Mu bo dikapa koḻiongan! Aka ogoian-Mu in adí ḷoḷaki in mogogundoi-Mu naa, yo ogoikubí in sia kon ini-Mu kinoouputbí in kinobiagannea. Dandionku doman kon buoknea in diábí gonsi-gonsingan.”