MAZMUR 25:16 - Alkitab Singog In Mongondow Masa In Tanaa

¹⁶ Indoiaipa kaasí in akuoi, bo kotabipa in akuoi, sin moingongow in akuoi bo mororiga.

MAZMUR 25:16 ပူးပေါင်းရင်းမြစ်များ

MAZMUR 109:22

Sin akuoi naa in nobogá bo nororiga, bo ginaku in kinekeban nodaḷom.

MAZMUR 119:132

Bobuidon in akuoi bo kotabipa kaasí in akuoi, ná kototabi-Mu kon intau inta motabi kon ini-Mu.

MAZMUR 143:4

Akuoi in kinobuḻiandon in ibog, ginaku in totokdon in notoboḻingo.

MAZMUR 32:5

Bo akuoi in nongakudon kon dosaku kon ini-Mu, taḷáku diá in binuniku. Sinantúkudon kon akuonku kon ini-Mu, bo inampungan-Mu in bayongan in dosaku.

MAZMUR 60:1

Kon i itoi in mododondong. Podudui in dondong: Bungang bakung kosakusian. Mazmur topotundú nongkon i Daud,

MAZMUR 86:1

Sambayang i Daud. Indongogaipa in sambayangku, o Tuhan, bo tubagaipa in akuoi, sin akuoi nobogá bo moyangkó.

MAZMUR 86:16

Taridiaipa kaasí bo kotabipa in akuoi, iropotaidon bo posaḷamatpa in akuoi, sin naonda bo ki ináku, akuoi in nosumba doman kon ini-Mu.

DANIEL 9:17

O Allah nami, indongogaipa kaasí in sambayang bo oigumku. Pomiadon bui in baḷoi-Mu inta ain iyompat tatua, tompiadon sinbá bayongan in intau monotaau kon Ikobí in ki Allah.

MIKHA 7:19

Iko in buibí angoian in tabi kon inami bo mongampung kon inami. Dosa mita nami in rita-ritakan-Mubí magí-mako bo pogambat-Mu kon apad in dagat!