MAZMUR 22:23 - Alkitab Singog In Mongondow Masa In Tanaa

²³ Aid-Mu in oumanonkubí kon i utatku mita; kon bonu in poyodungkuḷan in umat-Mu akuoi in modayow kon ini-Mu.

MAZMUR 22:23 ပူးပေါင်းရင်းမြစ်များ

MAZMUR 106:5

Igumon mako akuoi mokoontong kon kobiagan motompia in intau mita inta piniḻí-Mu bo moḷunganga moyotakin in umat-Mu. Igumon mako akuoi moyunggagá bo mopia in gina moyotakin in intau mita inta nobaḻí umat-Mu.

MAZMUR 109:30

Akuoi in modayow kon i Tuhan takin singog moḷangon, mopowaya magí-mako kon i-Nia kon yuak in poyosipunan in umat.

MAZMUR 111:1

Dayowdon in ki Tuhan! Takin ḻimbatú in gina akuoi mopoyaput in sukur kon i Tuhan kon yuak in pinoyosipunan in umat-Nea.

MAZMUR 115:11

Ei bayongan in intau inta motoguondok, pongamangdon kon i Tuhan, Siabí in motuḷung bo mogoḻiung kon i monimu.

MAZMUR 115:13

Sia in momarakatbí kon intau mita inta motoguondok, pinomayá mointok andeka moḷoben.

MAZMUR 145:19

Sia in mopoḷungangabí in gina in intau inta motoguondok; Indongogan-Neabí in kuani monia bo moposaḷamat kon i monia.

MAZMUR 22:30

Bayongan in intau moḷoben in tumungkudbí kon tayowon-Nea, bayongan in intau mato-matoi in tumonsiupbí mosumba kon i-Nia.

MAZMUR 26:12

Dá moiḷaguidon in akuoi nongkon bayongan in anib, akuoi in modayow kon i Tuhan kon bonu in poyodungkuḷan in umat-Nea.

MAZMUR 33:8

Biódon mako sinangkub in butá motoguondok kon i Tuhan bo intau mita kon dunia mohoromat kon i-Nia.

MAZMUR 35:18

Dá akuoi in mopoyaputbí in sukur kon ini-Mu kon yua-yuak in umat-Mu, bo modayow kon tangoi-Mu kon bonu in poyodungkuḷan monia.

MAZMUR 50:23

Intau inta moposumba in sukur mobaḻí kurubannea, siabí tua inta mohoromat kon i-Nakó; bo kon intau inta nosadia kon daḷan in poontong-Kubí in kasaḷamatan nongkon i-Nakó.”

MAZMUR 86:12

Akuoi in mopoyaput in sukur kon ini-Mu takin ḻimbatú in gina, o Tuhan Allahku; akuoi in modayow kon kawasa-Mu moḷoben modapot in mononoi.

YESAYA 25:3

Iko in dayowonbí in bangusa mita inta moropot, bo koondok kon kotá mita in bangusa mita inta moromú.

LUKAS 1:50

Sia umuran mobogoi in totabi-Nea kon bayongan intau inta moondok kon i-Nia.

LUKAS 2:20

Onda intua nobuidon in gombala mita tatua sindaḷan modayow bo moduí kon i Allah sin onu inta ain inontong bo dinongog monia tua notongkai inta ain pinoguman in malaekat kon i monia.

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

WAHYU 15:4

Ki inebí in diá moondok kon ini-Mu, Tuhan? Ki inebí in doí mopotaau in kamuliaan-Mu? Tongábí Iko i motusi. Bayongan in bangusa mamangoibí mosumba kon ini-Mu sin aid-Mu mita inta moadil ain inontong in bayongan intau.”