MAZMUR 22:22 - Alkitab Singog In Mongondow Masa In Tanaa

²² Akuoi in diádon mokopongonu, poḷuatdon in akuoi nongkon tungoi in bantong bo nongkon tunggi in singa.

MAZMUR 22:22 ပူးပေါင်းရင်းမြစ်များ

MAZMUR 22:25

Sin diábí pinoompá-Neamai in intau inta dinorot, bo diábí nopokooyámai kon roriganea. Sia in diábí nonoḻikud kon intau tatua, táe noibogbí nokidongog aka sia mopoigum in totuḷung kon i-Nia.

MAZMUR 57:9

Ei pobangondon, in dimukudku! Ei pobangondon, gambus bo kecapi! Akuoi in moibogbí mopobangon kon mata in singgai.

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

MATIUS 28:10

Bo ki Yesus in noguman kon i monia, “Dika moondok! Bayádon bo poguman kon i utat-Ku mita sinbá mosia in mayádon in Galilea; bain kon tua bo ontongon monia in Akuoi.”

YOHANES 20:17

“Dikapa kadaian in Akuoi,” guman i Yesus kon inia, “sin Akuoi in diápa namonik kon i Amá. Táe bayádon kon i utat-Ku mita, bo potaaudon kon i monia kon tanaa Akuoi in mayá kon i Amá-Ku bo kon i Amá doman monimu, kon i Allah-Ku bo kon i Allah-mu.”

SURAT I PAULUS KON JAMAAT RUM 8:29

Mosia inta ain piniḻí i Allah, aindon sinantú-Nea nongkon pinomangkoianmai sinbá mobaḻí motombatangan i Adí-Nea ki Yesus Kristus. Sahingga in Adí tatua mobaḻí Adí guya-guyang kon sigad in bayongan utat.