MAZMUR 22:16 - Alkitab Singog In Mongondow Masa In Tanaa

¹⁶ Sigoḷokku noingkag naonda bo rumog in posilag, diláku notorondódon. Tuhan, sinaḷáan-Mu in akuoi kon tudu in ḷobud nádon onda bo intau inta ain minatoi.

MAZMUR 22:16 ပူးပေါင်းရင်းမြစ်များ

MAZMUR 22:1

Kon i itoi in mododondong. Podudui in dondong: Rusa kon dodai in modiug mobayag. Mazmur i Daud.

MAZMUR 22:20

Táe Iko, dikabí yumayú, o Tuhan, ḷagidon angoi bo tuḷungai in akuoi, sin Ikobí in ropotku.

MAZMUR 38:11

Putúku in modoḷodok, ropotku in nodait, mataku in noyambotdon.

MAZMUR 59:14

Yopúdon in mosia kon bonu in torú-Mu, o Allah, yompatdon in mosia kodaiton. Dá bayongan in intau monotaaudon kon ki Allah in nomarenta kon Israel, bo pinomarentaan-Nea in modugang modapot in sinangkub in butá.

MAZMUR 59:6

Sindogdon, o Allah Inta Totok in moḷantud, tuḷungaipa in akuoi. O Allah in Israel, indoiaidon tontaní. Pobangondon bo hukumdon in bangusa mita, dikabí motabi kon intau mita moraat inta ain nonoḻikud.

MAZMUR 86:14

O Allah, intau moḷoḷatú in simindog monubu kon inakó, tongopaanan in intau moḻingá moibog moḻimod kon inakó; mosia in diábí mopandungmai kon ini-Mu.

YESAYA 53:5

Táe sia in pinaḻían popisí in dosa mita naton, bo binongkug popisí in aid naton inta moraat. Sia in ihukum sinbá kita in posaḷamaton, popisí in awaknea inta nobuog tua dá kita in inundaman.

YEREMIA 12:6

Iko in pinomaḻidawandon noidapot in ki utatmu tontaní; mosia in dinumudui doman nonubu kon inimu. Dikabí mopirisaya kon i monia, umpaka mopia in singog monia.”

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

MATIUS 26:57

Naonda in dinomok monia in ki Yesus, dinia monia pinotayow kon i Kayapas. Tobatú imang moḷoben. Kon tua aindon nosipun in mototundú mita kon agama bo guhanga mita in ḻipú.

MATIUS 27:35

Nopaḷut mako pinopopakú monia kon kayu pinoyotaḻempang, ḷambung-Nea in sinila-silai mako monia. Mosia nosilai kon ḷambung-Nea tatua takin nomaké in lot.

MATIUS 7:6

Donaaidon moiko mobogoi in barang inta mokudus kon ungkú. Bo donaai moiko mopogarab in mutiaramu kon boké, sinbá diá tongá rita-ritakannea mako intua bodongka mobuimai moyingki-yingkit kon i monimu.”

MARKUS 15:24

Onda intua pinopopakúdon monia in Sia kon kayu pinoyotaḻempang, bo mosia in nosilai kon ḷambung i Yesus táe muna norabut kon undi sin monantú kon silai monia tontaní.

LUKAS 23:23

Táe umuran doman momaḷú in mosia sinbá ki Yesus in popopakúdon kon kayu pinoyotaḻempang. Dá pangabisannea dinuduiandon i Pilatus in ibog monia tua.

LUKAS 23:33

Naonda in noidapotdon kon tampat inta sinangoian “Ḷungkaká”. pinopopakúdon monia kon kayu pinoyotaḻempang in ki Yesus takin intau moraat doyowa tua. Tobatú in kon dotá in koḷanan bo tobatú in kon dotá in koḷoigi i Yesus.

YOHANES 19:23

Naonda in tontara mita tatua nopopakú mako kon i Yesus kon kayu pinoyotaḻempang, mosia in nogamá kon pakeang i Yesus bo sinilai monia opat, tumongo silai kon i monia. Ginamá doman monia in jubah-Nea. Jubah tatua diábí in tanda pinodaguman – sinuji nongkon ḻimonik nodapot kon omonagannea.

YOHANES 19:34

Táe sian i Yesus sinakuḷ in tobatú tontara in ginubat; dá iḷumuaidon in dugú bo tubig.

YOHANES 19:37

Kon bonu in Alkitab in pinais doman nanaa: “Mosia in moindoibí kon i-Nia inta ain sinakuḷ monia.”

YOHANES 20:25

Dá murí mita i Yesus ibanea in noguman kon i Tomas, “Kami ain nokoontong kon i Tuhan!” Táe ki Tomas in notubag: “Aka diápa ontongonku tontaní in paḷot in pakú kon ḻima-Nea bo kon sian-Nea tua, yo totokbí in diá mopirisaya in akuoi.”

YOHANES 20:27

Noiduduimai kon tua, ki Yesus in noguman kon i Tomas, “Indoiaidon in ḻima-Ku, bo popoturakdon kon naa in tononuyúmu. Tonggó magí in ḻimamu bo popotudakdon kon sian-Ku. Dikadon moḻia-ḻiaw in gina, táe popirisayadon!”

PILIPI 3:2

Mokopoingatdon kon i monia inta umuran mogaid kon inta diá mopia, mosia inta motaaudon tangoion ‘ungkú’. Mosia inta umuran momakisa kon bá sunatondon mita in bayongan intau.

WAHYU 22:15

Táe intau mita inta nogaid kon soaḷ mita inta moromú, inta moibog monggaing, bo intau mita inta mogaid kon soaḷ mita inta mokotor, inta moḻimod, mosumba kon berhala, bo intau mita inta mouboḷ, pinomayá tosingogon ande oaid, komintan intau natua, kon ḷuai in kotá in tampatnea.