MAZMUR 22:14 - Alkitab Singog In Mongondow Masa In Tanaa

¹⁴ Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

MAZMUR 22:14 ပူးပေါင်းရင်းမြစ်များ

AYUB 16:10

Bukáan in intau mita koḷobenon in bibig monia sin moningkuḻe kon inakó; akuoi iḻibutan bo putongiku in sinokap.

AYUB 23:16

Inta Totok in mokawasa nonginggamá kon bayongan in baraniku. Akuoi in moondok sin ki Allah, deemanbí popisí in sindip, umpaka sindip tua in moḻipung kon inakó, bo mogoḻingoi kon pogotku.

AYUB 30:16

Tanaa in motoyongdon in akuoi matoi; diádon in singgaan in rorigaku.

MAZMUR 22:17

Akuoi in kinopung in paanan intau moraat; naonda bo paanan in ungkú mosia in noḻibut kon inakó, nonurak kon ḻima bo sioḷku.

MAZMUR 31:10

Kotabipa kaasí in akuoi, o Tuhan, sin akuoi in kinoantugan in susa; mopomporí in mataku sin mongombaḷ, dimukud bo awakku in mororigadon totok.

MAZMUR 35:21

Mosia in nomaḷú kon inakó bo noguman kon mosia in nokoontongdon kon dodiaku.

MAZMUR 68:2

Ki Allah in simindog moporarit in musung-Nea intau inta mondoí kon i-Nia in moḷagui nongkon tayowon-Nea.

OMBAḶ 3:46

Kami in siningkuḻe in bayongan in musung nami bo kinosingan;

DANIEL 5:6

Nobilaidon totok in sia bo nádomai tua in ondoknea nodapot in nourotdon totok in duḷudnea.

NAHUM 2:10

Niniwe in norimumudon, moingongow bo noḷogat. Gina in noḻia-ḻiawdon sin moondok. Duḷud in moḻemédon bo mourot. Pogot in bayongan in intau nongobilaidon totok.

MATIUS 26:38

Dá Sia in noguman kon i monia, “Morobonoḷdon totok in dodob-Ku, korasaan nádon onda bo matoi. Kon naapa in moiko bo moḷukad moyotakin-Ku.”

LUKAS 22:44

Tantúdon moondok in Sia, dá umurandon in Sia mosambayang. Uḷat-Nea in naonda bo dugú motait kon butá.]

YOHANES 12:27

“Moḻia-ḻiaw totok in gina-Ku; onu degá in musti singogon-Ku in tanaa? Musti degá in Akuoi moguman, ‘Amá, potaḻibdon kon i-Nakó in roriga tanaa mako’? Diá! Sin tuabí in mangaḻe in inangoian-Ku.

YOSUA 7:5

Intau mita in Ai nondudur kon i monia nongkon ngara in kotá in Ai nodapot kon butá pongongaḻian kon buḷawan, bo noḻimod kon degá toḷu nopuḷú bo onom in intau kon sigad monia kon oyukmai in buḷud. Dá intau mita in Israel inangoiandon in ḻia-ḻiaw in gina bo ondok.