MAZMUR 19:7 - Alkitab Singog In Mongondow Masa In Tanaa

⁷ Sia in noḻibu kon ḷangit nongkon popodnea tobatú nodapot in popodnea ibanea; diábí in kotaḻiban in patúnea.

MAZMUR 19:7 ပူးပေါင်းရင်းမြစ်များ

SAMUEL 2 23:5

Natua doman in buíku binarakatan i Allah, dodandian-Nea kon inakó, diá mobaḷui, dandi-Nea tatua in mononoi bo motompod, notoinut kon bayongan in yagi-yagi. Ki Allah in moḷukad kon kountunganku bo mobogoi kon bayongan inta kinoibogku.

AYUB 23:12

Parenta mita i Allah umuran dinuduianku, ibog-Nea dinuduianku, bo deemanbí ibogku tontaní.

MAZMUR 111:7

Ki Tuhan in moadil bo mosatia kon bayongan inta pomiaan-Nea, bayongan in parenta-Nea motaaubí pongata.

MAZMUR 119:105

Tosingogon-Mu in nobaḻí togá kon bayáanku, sindar inta monimbayag kon daḷanku.

MAZMUR 119:111

Parenta-Mu in bongkoḷku modapot in mononoi, inta nokoḷunganga kon ginaku.

MAZMUR 119:130

Aka insilangan, totundú-Mu in mobogoi in bayag, mobogoi in pomomangaḻe kon intau moompá in gina.

MAZMUR 119:14

Noḷunganga in ginaku in dinumudui kon parenta-Mu mita, naonda bo nokouḻí kon bayongan in kapunyaan.

MAZMUR 119:152

Nongkon koḻipodpabímai kinotaauanku nongkon totundú-Mu mita, kon Iko in nonantúdon kon tua modapot in mononoi.

MAZMUR 119:24

Atorang-Mu mita in nobaḻí mononongginaku inta nokosanang kon ginaku.

MAZMUR 119:72

Kon inakó in hukum-Mu in mopia-pia nongkon bayongan in buḷawan bo saḷaka kon dunia.

MAZMUR 119:9

Intau moguodpa in mokoḷukadbí kon kobiagannea diá in bogit aka mobiag in sia podudui in parenta-Mu.

MAZMUR 18:30

Iko in nobogoi in ropot kon inakó sin moyompat kon musung; takin totuḷung i Allahku dinangatanku in dinding in musung.

MAZMUR 23:3

Sia in nobogoi in ropot mobagu kon inakó, bo notundú kon inakó in daḷan inta moitutui, podudui in dandi-Nea.

MAZMUR 93:5

Tuhan, hukum-Mu in mononoi, Baḷoi-Mu in motusi kinoouput in dunia.

AMSAL 1:4

Intau inta diá kopongalaman in tundúonnea dá mopandoidon morai, bo intau inta moguodpa in mobaḻídon intau mopandoi bo pororainea in nádon onda bo intau inta ain nogurang.

YESAYA 8:16

Moiko, murí-ku mita musti motagú bo moḷukad kon koyow mita inta inogoi i Allah kon inakó.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

YOHANES 5:39

Moiko in mobalajar kon Buk Motusi sin kon bonu in raian monimu, aka natua yo mokouḻí kon kobiagan mopia bo mononoi. Bo umpakabí Buk Motusi tatua tontaní ain nobogoi in kosakusian soaḷ Akuoi.

OUMAN IN RASUL MITA 10:43

Bayongan in nabi komintan bidon nongonguman kon soaḷ Sia tua. Mosia in noguman, kon bayongan intau inta mopirisaya kon i Yesus, komintan ampungan in dosanea takin kawasa inta nongkon i Yesus.”

SURAT I PAULUS KON JAMAAT RUM 12:2

Donaai in moiko dumudui kon ibog in dunia naa. Pomayádon mako in ki Allah in monoimbagu kon i monimu, sinbá mobaḷui in moiko. Sahingga in kotaauandon monimu onu kinoibog i Allah, tuata inta mopia bo inta mokosanang kon gina-Nea bo inta mosompurna.

SURAT I PAULUS KON JAMAAT RUM 15:4

Bayongan inta pinais kon Buk Motusi, tua in makusudnea motundúbí kon inaton. Sin totundú inta sinarima naton nongkon Buk Motusi nokodugang kon kototahang bo kororopot in gina naton, dá kita in umuran moharap kon i Allah.

SURAT I PAULUS KON JAMAAT RUM 3:2

Mobayongbí totok in baragunanea! Muna-munamai, lantaranbí kon intaubí in Yahudi naa in pinopopirisayaan i Allah in singog-Nea mita.

ULANGAN 32:4

Ki Tuhan in mododuḷumu inta moroton, oaidan-Nea in motonggimok, bo bayongan daḷan-Nea in motuḻid. Ki Allahmu in mosatia, diábí in tombogá kon i-Nia, Sia in nogaid kon onu inta mopia bo totuu.

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

TIMOTIUS 2 1:8

Manangka intua dikabí moondok in mopotaau bo moguman kon onu inta inaidan i Tuhan naton. Dika doman mooyá, sin akuoi in pinobonu kon ponjara popisíbí in mopirisaya kon i-Nia, táe pakébí in ropot inta inogoi i Allah motanggung moyotakin kon roriga sin mopoyaput in Habar Mopia tatua.

TIMOTIUS 2 2:19

Táe dodoyonan moroton inta ain pinomia i Allah tua in diá bidon in mokodandú. Kon ḻimoniknea in pinaisdon nanaa, “Kinotaauanbí i Tuhan in umat-Nea inta kinotabi-Nea,” bo “Intau inta mongaku umat i Tuhan in mustidon mogogai in mogaid kon inta noitaḷá.”

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.

YOSUA 1:8

Buk in hukum tatua in mustibí umuran bacaanmu kon tayowon in umat-Ku. Balajar in buk tatua singgai bo doḷom, sinbá oaidmu umuran moitombutung kon onu inta pinais kon buk tatua. Aka aidanmu in bayongan tua, kobobiagmu in motompia totok bo bayongan onu inta aidanmu in kodapotanbí.

WAHYU 19:10

Dá sinumungkud in akuoi kon tayowonnea sin mosumba kon inia, táe sia in noguman kon inakó, “Donaai! Donaai mosumba kon inakó, sumbadon in ki Allah! Sin akuoi naa in tongábí doman bobantung ná iko nion bo notongkai doman i utatmu mita inta umuran kinumadai norigon kon onu inta pinoguman i Yesus!” Sin onu inta pinoguman i Yesus, tuatabí inta nopogonú kon gina in intau mita inta nopotaau in koyow i Allah.