MAZMUR 18:50 - Alkitab Singog In Mongondow Masa In Tanaa

⁵⁰ Dá pinomuliaku in Iko kon sigad in bangusa mita, bo akuoi in nopoyaput in dondong dodayow kon ini-Mu.

MAZMUR 18:50 ပူးပေါင်းရင်းမြစ်များ

TAWARIKH 1 17:27

Tuamai, in poigumonku, barakataidon kaasí in buíku sinbá moidapot in mononoi mosia umuran mokorasa kon tabi-Mu. Sin, Iko in nomarakatdon kon umat-Mu, o Tuhan, dá mosia in umuranbí barakatan moidapot in mononoi.”

MAZMUR 132:10

Podoyon kon i Daud mogogundoi-Mu, dika kaasí indoíon in datu inta piniḻí-Mu.

MAZMUR 144:10

Iko in nopountung kon datu mita, bo nopoḷuat kon i Daud mogogundoi-Mu.

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

MAZMUR 57:10

Tuhan, akuoi in moibog mopoyaput in sukur kon ini-Mu kon yua-yuak in bangusa mita. Moibog in akuoi mopodondong in dodayow kon ini-Mu kon yua-yuak in umat intau.

LUKAS 1:69

Sia in nobogoi in mopoposaḷamat kon i naton nongkon buí i Daud, simpaḷ-Nea.

SURAT I PAULUS KON JAMAAT RUM 1:3

Habar Mopia tatua in soaḷbí ki Adí i Allah, inta ki Tuhan naton, ki Yesus Kristus. Inta aka podudui in awak ilo-ilow naa, yo Sia tua in buíbí i Daud.

SURAT I PAULUS KON JAMAAT RUM 11:29

Sin aka ki Allah momiḻí kon intau bo mobogoi in barakat kon intau tatua, yo diábí kon dodai in onda in Sia mogamá bui kon onu inta ain pinomia-Nea.

GALATIA 3:16

Ki Allah ain nobogoi in dandi-Nea mita kon i Abraham bo kon buínea mita. Kon dodandian tatua diábí in pinoguman nanaa, “bo kon intau mita inta buí i Abraham”. inta aka tomangaḻean yo moantó in intau. Nanaabí in pinais, “bo kon intau inta buí i Abraham”. mangaḻenea in tongábí tobatú in intau, tuata in ki Kristus.

SAMUEL 1 16:1

Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”

SAMUEL 1 2:10

Musung mita i Tuhan in morimumud motontopong, mosia in moondok; nongkon ḷangit in Sia monggotup. Ki Tuhan in mohakim kon bayongan in dunia naa, bo mobogoi in kawasa inta momulia kon i datu inta piniḻí-Nea.”