MAZMUR 18:47 - Alkitab Singog In Mongondow Masa In Tanaa

⁴⁷ Ki Tuhan in nobiag! Dinayo-dayowdon in mododuḷuku! Poḷantudon in koḷoḷoben i Allah mopoposaḷamatku!

MAZMUR 18:47 ပူးပေါင်းရင်းမြစ်များ

SAMUEL 2 22:48

Pinopountung-Nea in akuoi nongkon musungku, bangusa mita pinotungkud-Nea kon tayowonku,

MAZMUR 144:2

Siabí tua in mototuḷung bo mododuḷuku, mopoposaḷamatku pononiunganku, Sia in mogogoḻingoiku, pogogadopanku, bangusa mita pinotungkud-Nea kon inakó.

MAZMUR 47:3

Sin ki Tuhan Inta Totok in moḷantud in motoyang, Datu Momulia inta nongawasa kon sinangkub in butá.

MAZMUR 95:1

Koḻigai in kita modondong kon i Tuhan, moronggiow kon i Mopoposaḷamat naton!

NAHUM 1:2

Ki Tuhan Allah in doíbí toḻinduaan, intau inta moḷawang kon i-Nia, notantúbí kon mokouḻí kon hukuman. Noidoyon kon torú inta moḷoben Sia in notuḻí kon aid monia.

SURAT I PAULUS KON JAMAAT RUM 12:19

Utatku mita inta kinotabiku, donaai in moiko motagú kon sakí in gina bo monomayá monuḻí, pomayádon mako bain ki Allah in motuḻí. Sin kon bonu in Buk Motusi ain pinais nanaa: “Akuoibí in motuḻí. Hukumon-Kubí in sia, guman i Tuhan.”

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.