MAZMUR 18:28 - Alkitab Singog In Mongondow Masa In Tanaa

²⁸ Intau inta moompá in gina pinosaḷamat-Mu, táe intau inta mokaḷakuang in pinotungkud-Mu.

MAZMUR 18:28 ပူးပေါင်းရင်းမြစ်များ

SAMUEL 2 22:29

Iko nopoyongkit in togáku; Ki Tuhan Allahku nonimbayag kon sindipku.

DATU MITA IMITÁNEA 11:36

Tongá tongosuku in pomayá-Kubí mako kon inia, sinbá umuran oyúon in intau tobatú nongkon buí in mogogundoi-Ku ki Daud inta momarenta kon tayowon-Ku kon Yerusalem, kotá inta ain piniḻí nobaḻí tampat posumbaan kon i-Nakó.

DATU MITA IMITÁNEA 15:4

Táe, popisí in nonorop kon i Daud, dá ki Tuhan, Allah inta sinumba i Daud, ain nobogoi kon i Abiam in adí tobatú sin monoḻiu kon inia momarenta kon Yerusalem bo moḷukad kon kotá tatua.

AYUB 18:6

Bayag kon bonu in ḷoḷaigannea in mokudowdon; togá ponimbayagnea in diá bidon monindar.

AYUB 29:3

Akuoi umuran sinuḷungan-Nea, sinimbayagan-Nea kon tungkuḷ in minayá kon sindip.

MAZMUR 112:4

Bayag in monindar kon bonu in sindip kon intau mita inta mojujur, kon intau inta moadil, inta motabi bo mopia in gina.

MAZMUR 132:17

Kon naa buí i Daud tobatú in baḻíon-Kubí datu; pomomarentaannea in irigonan-Kubí.

AMSAL 20:27

Gina in intau in nobaḻí bayag nongkon i Tuhan inta monimbayag kon bayongan in bonunea.

YESAYA 2:11

Intau moḷoḷatú in poompáanbí bo intau mododia potungkudon. Tongá ki Tuhan tontaní in poḷantudon.

YESAYA 2:12

Kon singgai tatua ki Tuhan Inta Totok in mokawasa in mopoompámai kon bayongan inta motosiḷantud bo mohukum kon bayongan inta moḷoḷatú bo inta mododia.

YESAYA 42:16

Bangusa-Ku inta bilog in kapiton-Ku pongin daḷan inta diá kinotaauan monia; mosia in diaan-Ku kon daḷan mita inta diá kinotaauan monia. Sindip baḻíon-Ku bayag kon i monia, bo daḷan inta notangkaḻembong in tondodaion-Ku. Tuata in aidan-Ku kon i monia, bo notantú bidon kon aidan-Ku.

YESAYA 62:1

Podoyon kon Yerusalem Akuoi in mosingog, podoyon kon Sion Akuoi in diábí tongá kibio-biómai, modapot in sia posaḷamaton bo kountungannea in monindar naonda bo poḷombow kon tungkuḷ in doḷom.

MATIUS 4:16

Bangusa inta nobiag kon bonu in sindip, mosia aindon nokoontong kon bayag inta moḷoben! Bo mosia inta nogutun kon ḻipú inta kinokoḷubungan in maut nomukádon in bayag!”

LUKAS 1:79

natua in Sia monimbayag kon bayongan intau inta nobiag kon sindip bo inta umuran moondok. Sia in nodia kon i naton mayá mongin daḷan inta mopobayá in tampat inta mopia.”

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.