MAZMUR 18:22 - Alkitab Singog In Mongondow Masa In Tanaa

²² Akuoi in notoindudui kon parenta i Tuhan bo diábí nonoḻikud kon i Allahku.

MAZMUR 18:22 ပူးပေါင်းရင်းမြစ်များ

AYUB 23:11

Akuoi in motoinduduibí kon i-Nia takin satia; diábí kon dodai in onda in akuoi in sinumabat nongkon daḷan inta sinantú-Nea.

MAZMUR 119:112

Totokbí in kon ginaku in dumudui kon atorang-Mu, modapot in mopaḷut in kobiaganku.

MAZMUR 119:117

Tonoidon in akuoi sinbá mosaḷamat in akuoi, bo umuran moindoimai kon parenta-Mu.

MAZMUR 119:128

Tuamai akuoi in nobiag podudui in bayongan topotundú-Mu; dodia inta mobelung in kinodoíku.

MAZMUR 119:13

Noḷangon in singogku in nopotaau in bayongan in hukum inta inogoi-Mu.

MAZMUR 119:30

Piniḻíkudon kon motoindudui, parenta-Mu in umuran toroponku mako.

YOHANES 5:14

Noiduduimai kon tua, ki Yesus in bui noyodungkuḷ in intau tatua kon bonu in Baḷoi Tuhan, bo ki Yesus in noguman kon inia: “Pokotoropdon, nopiadon iko in tanaa. Dikadon bui mogaid kon dosa, sinbá diá koantugan bui in inta moraa-raat.”

ULANGAN 26:13

pogumandon kon i Tuhan Allahmu, ‘Nongkon mopuḷú noporosen bungai in boyó inta musti posumba kon ini-Mu, Tuhan, diá topiḻikmai in kinotaḷáan kon baḷoiku; komintandon inogoiku kon intau in Lewi, intau ango-angoi, adí uno-unon bo inta dongka boba-bobay, ná inta ain pinarenta i Tuhan Allahku kon inakó. Nongkon parenta i Tuhan soaḷ sosumba mopuḷú noporosen diábí in sinaḻibanku.

ULANGAN 26:14

Nongkon sosumba tatua diá topiḻikmai in kinaanku kon dodai in akuoi nonogumatoi ande diniaku iḻumuai in baḷoi kon dodai in akuoi nonajispa, ande inogoiku nobaḻí sosumba kon intau minatoi. Akuoi aindon notoindudui, o Tuhan; bayongan inta pinarenta-Mu inaidankudon.