MAZMUR 18:18 - Alkitab Singog In Mongondow Masa In Tanaa

¹⁸ Sia in noposaḷamat kon inakó nongkon musung inta motorindog bo nongkon intau mita inta nondoí kon inakó, sin mosia in diá kotaḷowanku.

MAZMUR 18:18 ပူးပေါင်းရင်းမြစ်များ

SAMUEL 2 22:1

Naonda in ki Tuhan noposaḷamat kon i Daud nongkon i Saul bo nongkon musungnea ibanea, nopodondong in ki Daud in dondong tanaa kon i Tuhan: [

SAMUEL 2 22:19

Mosia in nonubu kon inakó kon dodai in akuoi kino antugan in roriga táe ki Tuhan in nobaḻí mototuḷungku.

MAZMUR 119:56

Akuoi in nokouḻí kon ḷunganga in gina kon bonu in sinumoḷutui kon parenta-Mu mita.

MAZMUR 138:7

Kon tungkuḷ in akuoi kinoantugan in susa, Iko in noḷukad kon kobiaganku. Iko in nonayow kon musungku inta koyogot in sinumorú bo pinosaḷamat-Mu in akuoi pinongin kawasa-Mu.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

MAZMUR 59:16

Mosia in modondaḷoi motayak kon kaanon, bo mogayow aka diá mobotug.

YEREMIA 18:17

Naonda bo ḷobud inirup in tompot in pomukaan, natuata in umat-Ku porariton-Ku kon tayowon in musung. Aka moiangoi in anib, toḻikudan-Kubí in mosia bo diábí motuḷung kon i monia!”

ZAKHARIA 1:15

Táe Akuoi in sinumorúdon totok kon bangusa mita inta nokorasa kon moodom bo motompia. Sin kon dodai in pinondam-Ku in torú-Ku kon umat-Ku, yo bangusa mita tatua in nodugang kon roriga in umat-Ku.

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.

SAMUEL 1 30:6

Noajar totok in gina in intau mita i Daud sin mosia in kinobuḻiandon in adí bo buḷoi monia. Tuamai in mosia moibogdon mogandur in batu kon i Daud. Dá noyogintayowdon in roriga moḷoben in ki Daud, táe ginanea in inirigonan bui i Tuhan Allahnea.